اقىن، اۋدارماشى جۇكەل حامايدىڭ "كۇن ەرتەگىسى" اتتى قازاق تىلىندەگى جەكە جيناعى جارىق كوردى دەپ حابارلايدى Qamshy.kz اقپارات اگەنتتىگى.

بۇل تۋرالى اقىن جۇكەل حاماي ءوزىنىڭ فەيسبۋك پاراقشاسىندا جاريالادى. كىتاپ "ادەبيەت" باسپا ۇيىنەن 1000 دانا، 20،375 باسپا تاباعى بولىپ شىقتى.

جۇكەل حاماي ۇلى موڭعول تىلىنە «قۇران» سۇرەلەرىن، اباي قۇنابايەۆتىڭ، ماحامبەتتىڭ تولىق جيناقتارىن، كوپتەگەن قازاق اقىن-جازۋشىلارىنىڭ ەڭبەكتەرىن اۋدارىپ، جاريالاعان اقىن، اۋدارماشى.

ح.پەرلەنىڭ «كوشپەندىلەر تاريحىن كونە تاڭبالار ارقىلى زەرتتەۋ»، ا.اماردىڭ «موڭعولدىڭ قىسقا تاريحى»، ءلۇبساندانزاننىڭ «ەجەلگى حاندار نەگىزىن سالعان تورەلىك جوسىعى» («التان توۆچ» تاريحي كىتابىنىڭ اۋدارماسى مەن تۇسىنىكتەمەلەرىن) تۋىندىلارىن، ۋ.ۋيتمەن، ا.ماچادو، و.داشبالبار، ج.بولد-ەردەنە، مەند-ووەو، ا.چاكراۆورتي، ي.ءحيستىڭ شىعارمالارىن قازاق تىلىنە اۋدارعان.