شىمكەنتتىك دارىگەرلەر بەنزين ءىشىپ قويعان 3 جاسار قىزدى امان الىپ قالدى، دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

ۆەدومستۆونىڭ حابارلاۋىنشا، نارەستە توكسيندىك سۇيىقتىقتى ابايسىزدا ءىشىپ قويعان. سودان كەيىن ونى اۋىر حالدە جەرگىلىكتى جەدەل جاردەم اۋرۋحاناسىنا جەتكىزگەن. ماماندار ءسابيدىڭ ىشكى ورگاندارىنىڭ زاقىمدانعانىن انىقتاپ، ونى شۇعىل تۇردە شىمكەنتتىڭ گيپەرباريالىق وتتەكتەۋ ورتالىعىنا اۋىستىرۋ تۋرالى شەشىم قابىلدايدى.

- بەنزين ءىشىپ قويىپ، ىشكى ورگاندارى قاتتى كۇيىپ قالعان 3 جاسار ءسابيدى دەرەۋ اۋرۋحانانىڭ جان ساقتاۋ بولىمشەسىنە جاتقىزىپ، ونىڭ اسقازانى نازوگاسترالدى زوندتىڭ كومەگى ارقىلى تازالاندى. جان ساقتاۋ بولىمشەسىنە جاتقىزىلعان نارەستەنى قۇتقارىپ قالۋ ماقساتىندا دارىگەرلەر ونىڭ ءومىرى ءۇشىن ەكى كۇن بويى كۇرەستى. جۇرگىزىلگەن رەانيماسيالىق شارالاردىڭ ناتيجەسىندە ءۇش جاستاعى قىزدىڭ دەنساۋلىعى جاقسارىپ، ول ءۇشىنشى كۇنى جان ساقتاۋ بولىمشەسىنەن پالاتاعا اۋىستىرىلدى، - دەدى شىمكەنت قالاسى دەنساۋلىق ساقتاۋ باسقارماسىنىڭ وكىلدەرى.

ۇسىنعان: مارجان سابەت