ۋكراينانىڭ جاقىن ارادا سايلانعان پرەزيدەنتى ۆلاديمير زەلەنسكيي، قازىرگى اتقارۋشى باسشى پەتر پوروشەنكونىڭ قارۋلى كۇشتەر جانە جوعارعى سوت ىشىندە جاساعان وزگەرىستەرىنە تاڭدانعانىن ايتتى دەپ حابارلايدى Qamshy.kz اقپارات اگەنتتىگى.

مامىر ايىنىڭ 10-جۇلدىزىندا، جۇما كۇنى زەلەنسكيي پوروشەنكونى  بۇرىنعى پرەزيدەنت دەپ اتاپ، ونىڭ "كەرى قايتپايتىن" باعىتتى ۇستانعانىن اشىپ ايتتى.

زەلەنسكييدىڭ ايتۋىنشا، پوروشەنكو اسكەردىڭ جوعارى قولباسشىلىعىندا بەلسەندى وزگەرىستەر جاساپ، تەلەديدار جانە راديو حابارلارىن تاراتۋ جونىندەگى ۇلتتىق كەڭەستىڭ ءتوراعاسىنىڭ ورنىنا "روشەن" زاڭگەرلەرىن، "مايدان سۋديالارىن" تاعايىنداپ، ساياساتكەر سەرگەي كيۆالوۆتىڭ تۋىستارىن جوعارعى سوت سۋديالارىنىڭ ورنىنا جايعاستىرماقشى.

سونىمەن قاتار، زەلەنسكيي ەكس-پرەزيدەنت "گەنەرال شەنىن" 20-دان استام ادامعا تاراتقاندىعىن ايتىپ، قارۋ-جاراق قويمالارىنىڭ باسشىلىعىن قاتاڭ سوگىسكە الدى.

وسى ورايدا زەلينسكيي پوروشەنكونى ەگيپەت قوناقۇيىندەگى تۋريستپەن سالىستىردى: "پوروشەنكو شۆەد ۇستەلىن جيناپ، سۇلگىلەرى مەن اياق كيىمدەردى الىپ كەتەتىن ادام سەكىلدى"، - دەيدى زەلەنسكيي.

ينتەرفاكس مالىمەتىنە سايكەس، قازىرگى ۋاقىتتا زەلينسكيدىڭ ۇلىقتاۋ ءراسىمى تۋرالى بەس جوبانىڭ قارارى بار. ولار 19-مامىر، 20-مامىر جانە 1-ماۋسىمدا ءىس-شارانى وتكىزۋگە ارنالعان ۇسىنىستاردان تۇرادى.

21-ساۋىردە ۋكراينادا پرەزيدەنتتىك سايلاۋدىڭ ەكىنشى تۋرى ءوتتى. زەلەنسكيي 73،22% داۋىسقا يە بولدى، ەلدەگى قازىرگى پرەزيدەنت پەتر پوروشەنكو 24،45% الدى. مەملەكەتتى ءوز تىزگىنىنە العان جاڭا باسشىسىنىڭ ۇلىقتاۋ سالتاناتى سايلاۋ ناتيجەسى جاريالانعاننان كەيىن 30 كۇن ىشىندە وتكىزىلۋى ءتيىس.

ۇسىنعان: بەك بايتاس