ق ر پرەزيدەنتىنە ۇمىتكەر ءامىرجان قوسانوۆ بۇگىن، ياعني 15 مامىر كۇنى قاراعاندى حالقىمەن كەزدەسەدى، دەپ حابارلايدى Qamshy.kz اقپارات اگەنتتىگى.

بۇل تۋرالى ءامىرجان قوسانوۆ الەۋمەتتىك جەلى ارقىلى وتكىزگەن تىكەلەي ەفير بارىسىندا مالىمدەگەن بولاتىن.

العاشىندا قوسانوۆتىڭ قاراعاندى جۇرتشىلىعىمەن جۇزدەسۋ ورنى  قالا سىرتىنداعى ۇشتوبە دەگەن جەردە ورنالاسقان "كۋرمينكا" قۇس فابريكاسى دەلىنگەن. قوسانوۆتىڭ ايتۋىنشا كەزدەسۋ ورىنىن وسك بەكىتىپتى. ال بۇل جاعداي الەۋمەتتىك جەلىدەگى كوپتەگەن بەلسەندەنىڭ بىردەن نارازىلىعىن تۋدىرىپ، ولار پرەزيدەنتتىككە ۇمىتكەر ادامنىڭ كەزدەسۋى قالا سىرتىندا وتەتىنىن قۇپتاماعان.

قاراعاندىلىق بەلسەندىلەردىڭ ءبىرى ايسۇلتان جاقىپوۆ فەيسبۋك پاراقشاسى ارقىلى بارلىق كانديداتتارعا جاعداي بىردەي جاسالۋ كەرەك ەكەنىن ايتىپ، وسك-نىڭ كەزدەسۋ ورنىن قالا سىرتىنا بەلگىلەگەنىن ادىلەتسىزدىككە بالاعان.

"قازاقستان رەسپۋبليكاسى پرەزيدەنتتىگىنە ۇمىتكەرلەردىڭ ءبىرى، ءوز ءفاۆوريتىم ءامىرجان قوسانوۆ اعامىزبەن كەزدەستىم. قاراعاندىدا ءجۇر اعامىز. ەرتەڭ وسى جاقتاعى سايلاۋشىلارىمەن كەزدەسۋ. قاي جەردە وتەتىنىن ءۇش مۇمكىندىكتەن تابۋعا تىرىسپاي-اق قويىڭىز. ورتالىق سايلاۋ كوميسسياسى ءوز جۇمىسىن مىقتى اتقارعان ەكەن. نۇp وتان عيماراتى دەرسىز، شالقىما كونسەرت زالى دەرسىز، كەنشىلەر مادەنيەت سارايى دەرسىز. بارلىعى قاتە. "لاقتىڭ عو تاعى" دەپ جىميىپ قانا وتىرا بەرەر))
ۇشتوبەدەگى كارل ماركc اتىنداعى قۇس فابريكاسىنىڭ اسحاناسىندا ەرتەڭ 10.45 شاماسىندا كەزدەسۋ وتپەك.
قاراعاندى قايدا؟ ۇشتوبە قايدا؟ ءتيىپ تۇرعانداي كورىنەر. دەگەنمەن دە...
كانديداتتارعا جاعداي بىردەي جاسالۋى كەرەك شىعار.
قاساعامدى كۋرمينكا قۇس فابريكاسىنان كورگىم كەلەدى. 
اۋجەكەڭە سۇراق بولسا، ەرتەڭ ەفيرگە شىعامىز. جەرلەستەر، كوڭىلى قوسانوۆ دەپ الابۇرتقان اعايىن، قالىس قالماي ۇشتوبەگە كەلىڭىزدەر" - دەپ جازدى.

وسك-نىڭ بۇل اركەتىنە نارازى بولعان قوسانوۆتىڭ قاراعاندىلىق قولداۋشىلارى قالتالارىنان قاراجات ءبولىپ، كەزدەسۋ ورنىن "دوستار-الەم" قوناقۇيىنە اۋىستىرعان. 

بۇل تۋرالى Facebook الەۋمەتتىك جەلىسىنىڭ قولدانۋشىسى بەللا ورىنبەتوۆا حابارلادى.

"قوسانوۆتىڭ قاراعاندىلىقتارمەن كەزدەسۋىن جوعارىداعىلار الدىمەن ۇشتوبەدەگى "كۋرمينكا" قۇس فابريكاسىنا بەلگىلەپتى. بۇكىل قاراعاندىدا ورىن تابىلماعانداي. ول بىرىنشىدەن بىرەۋدىڭ جەكەمەنشىك تەرريتورياسى، ەكىنشىدەن وندا كارانتين ەكەن.
قاراعاندىلىق بەلسەندىلەر قاراجات جيناپ كەزدەسۋدى ۇيىمداستىردى. يۋگو-ۆوستوكتاعى بۇرىنعى سوزۆەزديە، قازىرگى "دوستار-الەم" ءقوناقۇيىنىڭ كونفەرەنس زالى. بۇگىن 15 مامىر ساعات 12-30. قوسانوۆ دەگەن كىم، ول نە ۇسىنادى دەسەڭىز، كەلىڭىز"  - دەپ جازدى ب.ورىنبەتوۆا.

ۇسىنعان: ميات كاشىباي