رەسەيلىك پروديۋسەر، كومپوزيتور يگور كرۋتوي قازاقستاندىق جاس ءانشى ەرجان ماكسيمدى ءوزىنىڭ مۋزىكا اكادەمياسىنا شاقىردى، دەپ حابارلايدى Qamshy.kz اقپارات اگەنتتىگى ەرجان ماكسيمنىڭ instagram پاراقشاسىنداعى جازباسىنا سىلتەمە جاساپ.

ەرجان ماكسيمدى يگور كرۋتويمەن قازاقستاننىڭ رەسەيدەگى ەلشىسى يمانعالي تاسماعانبەتوۆ تانىستىرعان. 

«دوستار، ماسكەۋگە جاساعان ساپارىم ءساتتى بولدى. نەگە دەيسىز عوي، مەن ەڭ الدىمەن، ەلىمىزدىڭ اپتال ازاماتى يمانعالي نۇرعاليۇلىمەن كەزدەستىم. سول كەزدەسۋىمىزدىڭ ناتيجەسى رەتىندە كوپتەن بەرى ارمانداپ جۇرگەن اتاقتى كومپوزيتور، پروديۋسەر يگور كرۋتويمەن تانىستىم. مەنى ستۋديادا تىڭداعان ماەسترو مەنى ۇناتىپ، ءوزىنىڭ مۋزىكالىق اكادەمياسىنا شاقىردى. مەن قۋانا كەلىستىم. ەندى دوستار، كۇزدەن باستاپ سول جەردە ۆوكال باعىتى بويىنشا ونەرىمدى شىڭدايتىن بولامىن. ارينە، مۇنىڭ بارلىعى يمانعالي اعامىزدىڭ ارقاسى دەپ بىلەمىن. وسىنداي ازاماتتاردىڭ ارقاسىندا شىعارماشىلىعىم جالعاسىپ، جەمىسىن بەرەتىنىنە سەنىمىم مول»، - دەپ جازدى ەرجان ماكسيم. 

https://www.instagram.com/p/BxdHIEhAYlr/؟utm_source=ig_web_button_share_sheet

ۇسىنعان: ماراجان سابەت