الماتىدا «مەدەۋ» مۇز ايدىنى اۋماعىندا زورلىق جاساعان كۇدىكتى قاماۋعا الىندى، دەپ حابارلايدى Qamshy.kz اقپارات اگەنتتىگى قالالىق پروكۋراتۋراعا سىلتەمە جاساي وتىرىپ.
بۇعان دەيىن ول كۇدىكتى كەپىلدە بولىپ كەلگەن. ءبىراق، مەدەۋ اۋدانى پروكۋراتۋراسىنىڭ ءوتىنىشى بويىنشا سوت شەشىمى قايتا قارالعان. قۇزىرلى ورگاننىڭ ايتۋىنشا، كۇدىكتى بۇعان دەيىن دە زورلىق قىلمىسىمەن بىرنەشە رەت ءىستى بولعان.
«15 مامىردا اپەللياسيالىق سوت كۇدىكتىنى كەپىلدە ۇستاۋىن توقتاتىپ، ونى سوت زالىنان تۇتقىندادى. قازىرگى ۋاقىتتا سوتقا دەيىنگى تەرگەۋ اياقتالدى. قابىلدانعان سوت شەشىمنىڭ زاڭدىلىعىن قاراۋ ءۇشىن قىلمىستىق ءىس مەدەۋ اۋدانىنىڭ پروكۋراتۋراسىنا جولداندى» دەلىنگەن قالا پروكۋراتۋراسىنىڭ مالىمدەمەسىندە.
ۇسىنعان: ميات كاشىباي
