قىتايعا 1 ملرد دوللاردان اسا قارىز شري-لانكا اقىرى ءوز اۋماعىنداعى "حامبانتوتا" ايلاعىن قحر يەلىگىنە بەردى دەپ حابارلاديى Qamshy.kz اقپارات اگەنتتىگى.

افريكا قۇرلىعىنداعى اقش-تىڭ باستى اسكەري بازاسى ورنالاسقان جيبۋتي دە جۇڭگو مەنشىگىنە ءوتۋى مۇمكىن. تاجىكستان قىتايمەن شەكتەسەتىن داۋلى ايماعىن قىتايعا بەرىپ، قارىزىنىڭ كوپ بولىگىنەن قۇتىلعان بولاتىن.                                      

ساراپشىلار بۇل جىرتقىشتىق ءتاسىلدى "قارىز قامىتىنىڭ ديپلوماتياسى" دەپ اتاپ كەتكەن. ياعني ينفراقۇرىلىمدى دامىتۋعا ارزان "ءتاتتى" قارىز بەرىپ، ونى كەيىن دەفولت سەكىلدى ءقاۋىپتى بيشىككە اينالدىرادى.

"The Center for Global Development" ("جاھاندىق دامۋ ورتالىعى") دەپ اتالاتىن كوممەرسيالىق ەمەس زەرتتەۋ ۇيىمى "ءبىر بەلدەۋ - ءبىر جول" اتتى ينۆەستيسيالىق جوسپارعا قاتىسىپ وتىرعان ەلدەردىڭ ەكونوميكالىق قۋاتىن، جۇڭگو الدىنداعى قارىز مولشەرىن، ت.ب. فاكتورلاردى جان-جاقتى سارالاي كەلە، الەمنىڭ سەگىز ەلىن ەرەكشە ءبولىپ كورسەتىپتى: جيبۋتي، قىرعىزستان، لاوس، مالديۆ، مونعوليا، چەرنوگوريا، پاكىستان جانە تاجىكستان.

اۆتور: يلدار اديلچەنوۆ