ساياساتكەر كونستانتين سىروەجكين قازىرگى ۋاقىتتا مەملەكەتتىك قۇپيانى اشقانى ءۇشىن، ياعني، ساتقىندىعى ءۇشىن تۇتقىندا وتىر. بۇل تۋرالى قازاقستاننىڭ ۇلتتىق قاۋىپسىزدىك كوميتەتى مالىمدەدى دەپ جازادى Qamshy.kz اقپارات اگەنتتىگى.

"2019 جىلدىڭ 15-قاڭتارىندا ۇقك-دا 1956 جىلى تۋعان ق ر ازاماتى كونستانتين سىروەجكين ءلۆوۆيچتىڭ تاراپىنا 175-باپتىڭ 1-تارماعى بويىنشا قىلمىستىق ءىس قوزعالعان"، - دەلىنگەن مالىمدەمەدە.

اتالمىش باپ بويىنشا ءىستى بولعان ازاماتتارعا 10 جىلدان 15 جىلعا دەيىن باس بوستاندىعىنان ايىرىلۋ ءقاۋپى تونەدى. سونداي-اق، ازاماتتىعىن الىپ قويۋى دا مۇمكىن.

"ۇستىمىزدەگى جىلدىڭ 19-اقپانىندا الماتى قالاسىنىڭ تەرگەۋ سوتى قاماققا الۋ تۋرالى ۇكىم شىعارعان. ءقازىر تەرگەپ-تەكسەرۋ امالدارى جۇرگىزىلۋدە"، - دەيدى ۇقك باسپا ءسوز قىزمەتى.

ۇقك مالىمدەۋى بويىنشا، "ب ا ق تۋرالى زاڭنىڭ" تالاپتارىنا سايكەس، مەكەمە سوتقا دەيىنگى جاسالاتىن امالدار تۋرالى مالىمەت بەرمەۋگە قۇقىلى-مىس.

كونستانتين سىروەجكين – قازاقستاندىق ساياساتكەر، شىعىستانۋشى، سينولوگ. 2006 جىلدان باستاپ ق ر پرەزيدەنتىنىڭ قول استىندا قازاقستاننىڭ ستراتەگيالىق زەرتتەۋلەر ينستيتۋتىندا جۇمىس جاساعان.

اۋدارعان: ادىلەت مادەنيەت