ق ر ىشكى ىستەر ءمينيسترى ەرلان تۇرعىمبايەۆ ەل پرەزيدەنتى قاسىم-جومارت توقايەۆتان اتىراۋ وبلىسى پوليسيا دەپارتامەنتى باسشىسى ايان دۇيسەمبايەۆتى قىزمەتتەن بوساتۋدى سۇرادى دەپ جازادى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.
"ىشكى ىستەر ءمينيسترىنىڭ ورىنباسارى الەكسەي كالايچيدي باستاعان كوميسسيا اتىراۋ وبلىسىنا بارىپ، داۋلى ماسەلەنى تەكسەردى. كوميسسيا دۇيسەمبايەۆتىڭ قىزمەت ەتيكاسىن بۇزعانىن انىقتادى"،- دەپ مالىمدەدى ءىىم باسپا ءسوز قىزمەتى.
ەستەرىڭىزگە سالا كەتەيىك، اتىراۋ وبلىسى پوليسيا دەپارتامەنتىنىڭ باسشىسى ايان دۇيسەمبايەۆقا ۇقسايتىن ادامعا ءبىر توپ جۇرت قوشەمەتپەن جىلقى مىنگىزىپ جاتقان ۆيدەو جەلىدە تاراعان بولاتىن. ىشكى ىستەر مينيسترلىگى بۇل ۆيدەوداعى ادام ايان دۇيسەمبايەۆ ەكەنىن ايتىپ، ونىڭ ۇستىنەن قىزمەتتىك تەكسەرىس باستالعانىن حابارلاعان.
ال قازاقستاننىڭ قازىرگى پرەزيدەنتى قاسىم-جومارت توقايەۆ وزىنە سىيلانعان اتقا ءمىنىپ، كوپشىلىكتىڭ سىنىنا قالعان پوليسيا دەپارتامەنتىنىڭ باسشىسى قاتاڭ جازالانادى دەپ مالىمدەگەن.
