الماتىدا 8 جىلعا سوتتالعان عالىم اقىرى اقتالىپ شىقتى. پروفەسسور وزىنە كەسىلگەن جازانىڭ 3 جىلىن وتەپ تە قويعان، دەپ جازادى Qamshy.kz اقپارات اگەنتتىگى كتك تەلەارناسى سىلتەمە جاساپ.
ونىڭ ناقاقتان-ناقاق جازالانعانى بەلگىلى بولىپ، ءىستى قايتا قاراعان سۋديا عالىمجان مامىتبەكوۆتى سوت زالىنان بوساتتى.
«قازاتومونەركاسىپتىڭ» بۇرىنعى قىزمەتكەرى مەملەكەتتىڭ 100 ميلليوننان اسا تەڭگەسىن جىمقىردى دەپ 8 جىلعا سوتتالعان ەدى. الايدا ارادا 3 جىل وتكەن سوڭ ۇرلانعان اقشاعا قاتىسى بولماعانى انىقتالىپ وتىر.
عالىمنىڭ ءىسى بيىل قايتا تەرگەۋگە جىبەرىلگەن. ەندى اقتالىپ شىققان ازامات ءوزىن تۇرمەگە جونەلتۋگە سەبەپشى بولعان تەرگەۋشىنى سوتقا بەرمەك. ال سول كەزدە قارسى كۋالىك ەتكەن جاقىن ارىپتەسىن پروفەسسور كەشىرگەنىن ايتادى.
ۇسىنعان: مارجان سابەت
