ۋكراينانىڭ جاڭا سايلانعان پرەزيدەنتى ۆلاديمير زەلەنسكيي قىزمەتكە كىرىسكەننەن كەيىن مەملەكەتتىك رەزيدەنسيانى پايدالانۋ قۇقىعىنا يە. الايدا پرەزيدەنت، ول جەردە تۇرۋعا قۇشتار ەمەس ەكەندىگىن جانە ونى «بالالارعا بەرۋ» مۇمكىندىگىن قاراستىرىپ جاتقانىن مالىمدەدى، دەپ جازادى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

جاڭا پرەزيدەنتتىڭ الداعى ۋاقىتتا قايدا تۇراتىنى قۇپيا كۇيىندە قالىپ وتىر. الايدا قازىرگى تاڭدا ۋكراينانىڭ جاڭا باسشىسى كييەۆ ماڭىنداعى يۆانكوۆيچ اۋىلىنداعى ەليتالى "پومەستە" قالاشىعىنداعى ءوز كوتتەدجىندە تۇرىپ جاتىر.

ونىڭ مالىمدەمەسىنە سايكەس، زەلەنسكيي اۋدانى 353 شارشى مەتر بولاتىن ءۇيدى 2008 جىلى 815 مىڭ گريۆەنگە (شامامەن 31 مىڭ دوللار) ساتىپ العان.

ەگەر زەلەنسكيي قىزمەتكە ورنالاسقاننان كەيىن ءوز ۇيىندە قالۋدى شەشسە، پرەزيدەنت اكىمشىلىگىنە دەيىن وتىز شاقىرىمدىق جەردى ءجۇرىپ وتۋىنە تۋرا كەلەدى. ەگەر كەپتەلىستەردى ەسەپتەسەك، ءبىر-بىر جارىم ساعاتتا جەتەدى.

زەلەنسكيي كەپتەلىس تۋىنداتپاۋ ءۇشىن، پرەزيدەنت اكىمشىلىگىن كييەۆتىڭ ورتالىعىنان باسقا جەرگە اۋىستىرۋ ويى بار ەكەنىن مالىمدەگەن.

«كەپتەلىستە تۇرۋ – سۇمدىق. ساياساتكەرلەر ءۇشىن نە سەبەپتى حالىق قينالۋى كەرەك؟ مەن رەزەدەنسيانى كەپتەلىس بولمايتىن جەرگە اۋىستىرامىن. جاي عانا كييەۆتەن باسقا جەرگە كوشىرەمىن»، - دەگەن بولاتىن زەلەنسكيي.

«مەن رەزەدەنسيادا تۇرۋدىڭ ەشقانداي سەبەبىن كورىپ تۇرعان جوقپىن. مىسالى، ءسىز بەن ءبىز ەۋروپاعا بارا قالساق، ۇلكەن كورولدەردىڭ رەزەدەنسيالارىن كورەمىز. ول ءقازىر نە؟ ونىڭ بارلىعى تەك قانا ارالاپ، تاماشالاۋعا ارنالعان ورىندارعا اينالعان»، - دەدى.

دايىنداعان: مارجان سابەت