الەۋمەتتىك جەلىدەگى اليا ورتايەۆا ەسىمدى قولدانۋشى ءوز پاراقشاسىنا ۆيدەوماتەريال جۇكتەپ، حالىقتىڭ نازارىن اۋداردى دەپ جازادى Qamshy.kz اقپارات اگەنتتىگى.

"مىنە سيقى شىمكەنتتىڭ. رامازان ايىندا اللا ءسوزى مەن ءىسى قابىسپايتىنداردىڭ تىرلىگىن كورسەتىپ جاتىر. ۆەليك ءمىنۋ نە تەڭىم، سۋعا تولدى ەتەگىم"، - دەپ جازعان اۆتور ءوزى جۇكتەگەن ۆيدەونىڭ استىنا. جازبادا ۆيدەونى تۇسىرگەن قولدانۋشى رەتىندە الماس اسىلبەكوۆيچ ەسىمدى ازامات كورسەتىلگەن.

جەلى قولدانۋشىلارى بەينەماتەريال استىنا پىكىر جازىپ، سۋ باسىپ جاتقان كوشەنى نۇر-سۇلتان دەپ انىقتاما بەرۋدە. 

ال الگى بەينەماتەريالدا كولىكتەردىڭ بەلۋاردان سۋ كەشىپ جۇرگەنى، كەي كولىكتەردىڭ جول شەتىندە ايالداعان كۇيى سۋ استىندا قالعانى انىق كورىنەدى.

اتالمىش ماسەلەگە قاتىستى قۇزىرلى ورگان وكىلدەرى مالىمدەمە جاساعان جوق. ايتا كەتۋ كەرەك، جەلى قولدانۋشىسى الگى بەينەماتەريالدى بۇگىن ساعات شامامەن كەشكى 21:00-22:00 ارالىعىندا جۇكتەگەن. 

ۇسىنعان: ادىلەت مادەنيەت