مەملەكەت باسشىسى قاسىم-جومارت توقايەۆ ءبىرقاتار ەلدە قازاقستان ەلشىلەرىن تاعايىندادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
پرەزيدەنت بۇيرىعىمەن ەرلان بايجانوۆ قازاقستاننىڭ ۆەتنامداعى توتەنشە جانە وكىلەتتى ەلشىسى، ناجمەدين مۇحامەتالى – ومان سۇلتاندىعىنداعى قازاقستان ەلشىسى، دانيار سارەكەنوۆ قازاقستاننىڭ يندونەزياداعى ەلشىسى جانە جاننا سارتبايەۆا فينلياندياداعى ەلشى قىزمەتىن اتقاراتىن بولادى.
سونداي-اق، بەكەتجان جۇماحانوۆ ۆەتنام، كامبودجا كورولدىگى مەن لاوس حالىق-دەموكراتيالىق رەسپۋبليكاسىنداعى قازاقستاننىڭ ەلشىسى قىزمەتىنەن بوساتىلدى. ال ەرجان مۇقاش قازاقستاننىڭ ومانداعى ەلشىسى قىزمەتىن اتقارمايتىن بولادى.
ۇسىنعان: ماقپال سەمباي
