ارمەنيادا حالىق سوت عيماراتتارىن قورشاپ الدى دەپ حابارلايدى Qamshy.kz اقپارات اگەنتتىگى Deutsche Welle سايتىنا سىلتەمە جاساپ.
19-مامىر كۇنى ارمەنيا پرەمەر-مينيسترى نيكول پاشينيان Facebook پاراقشاسىندا ارمەنيا حالقىن سوت عيماراتتارىن قورشاپ الۋعا شاقىرعان بولاتىن. سول ۇندەۋ نەگىزىندە بۇگىن ەريەۆاندا جانە ەلدىڭ باسقا دا قالالارىندا تۇرعىندار سوت عيماراتتارىن قورشاپ الدى. سونىمەن قاتار، پاشينيان جەرگىلىكتى ۋاقىتپەن ساعات 12-دە ەلدەگى سوت جۇيەسىن تۇبەگەيلى وزگەرتەتىن "ريەۆوليۋسيانىڭ ەكىنشى ءارى ەڭ باستى كەزەڭىن" جاريالاۋعا ۋادە بەردى.
ءوز كەزەگىندە، ارمەنيا پرەزيدەنتى ارمەن ساركيسيان ازاماتتاردى سابىر ساقتاۋعا شاقىرىپ، كونستيتۋسيا تالاپتارىن بۇزباۋدى قاتاڭ ەسكەرتتى.
ەستەرىڭىزگە سالا كەتەيىك، 18-مامىردا سوت "كونستيتۋسيالىق قۇرىلىمدى قۇلاتۋعا ارەكەت جاسادى" دەگەن ايىپپەن تۇتقىندالعان ەكس-پرەزيدەنت روبەرت كوچارياندى بوساتقان بولاتىن. وسى وقيعاعا نارازىلىعىن بىلدىرگەن پرەمەر پاشينيان ەلدەگى ريەۆوليۋسيانىڭ ەكىنشى كەزەڭى باستالعانىن حابارلادى. ريەۆوليۋسيانىڭ ءبىرىنشى كەزەڭى – نيكول پاشينيان بيلىككە كەلگەن 2018 جىلدىڭ كۇزىندە بولعانى بەلگىلى.
اۋدارعان: داۋرەن سىبانباي
