الداعى سايلاۋدا داۋىس بەرۋشىلەرگە بەرىلەتىن سايلاۋ بيۋللەتەندەرىندە "بارىنە قارسىمىن" دەگەن گرافا بولمايدى. سۇراقتىڭ جاۋابىن تمد اتقارۋ كوميتەتىنىڭ ءتوراعاسىنىڭ ءبىرىنشى ورىنباسارى ۆيكتور گۋمينسكيي ءتۇسىندىرىپ بەردى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

"بۇل گرافانىڭ جوقتىعىنا كەلسەك، سايلاۋعا بارۋ نەمەسە بارماۋ – ازاماتتاردىڭ ءوز ەركى. "سايلاۋ تۋرالى" زاڭدا جازىلعانداي، سايلاۋ ەركىن وتەدى، بىرەۋ بىرەۋدى سايلاۋعا بارۋعا ماجبۇرلەي المايدى. بۇل – ازاماتتاردىڭ جەكە قۇقىعى. حالىق ءوزى بىلەدى، بارا ما، بارماي ما؟! سوندىقتان سايلاۋعا بارىپ تۇرىپ، "بارىنە قارسىمىن" دەپ داۋىس بەرىپ كەتكەننەن ەلگە پايدا جوق. بۇل – ەندى مەنىڭ جەكە پىكىرىم، بۇل پىكىرىمدى ودان ءارى وربىتپەي-اق قويايىن، ويتكەنى ول ەندى ساياسي اسپەكتكە اۋىپ كەتەدى. ال ءبىزدىڭ ميسسيامىز ءتۇرلى ساياسي مومەنتتەردەن اۋلاق بولۋ"، – دەدى ول.

گۋمينسكييدىڭ ايتۋىنشا، كەيبىر ەلدەر شىنىندا دا سايلاۋ بيۋللەتەندەرىندە "بارىنە قارسىمىن" دەگەن گرافانى الىپ تاستاعان.

"مىسالى، بەلارۋستە "بارىنە قارسىمىن" گرافا ءالى دە بار. كەي ەلدەردە ونداي جوق. ءار ەلدىڭ ءوزىنىڭ ۇلتتىق ەرەكشەلىكتەرى بولادى، ءبىزدىڭ وعان ارالاسۋىمىزعا قۇقىمىز جوق"، – دەدى تمد ميسسياسىنىڭ وكىلى.

ۇسىنعان: ادىلەت مادەنيەت