ق ر ىشكى ىستەر ءمينيسترى ەرلان تۇرعىمبايەۆ پرەزيدەنت اكىمشىلىگىنىڭ كەلىسىمىمەن اتىراۋ وبلىسى پوليسيا دەپارتامەنتى باسشىسى ايان دۇيسەمبايەۆتى قىزمەتتەن بوساتتى دەپ جازادى Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتىنە سىلتەمە جاساپ.
ەستەرىڭىزدە بولسا، اتىراۋ وبلىسى پوليسيا دەپارتامەنتىنىڭ باسشىسى ايان دۇيسەمبايەۆتىڭ وزىنە سىيلانعان اتقا ءمىنىپ باسى داۋعا قالعان بولاتىن. گەنەرالدىڭ اتقا قىزمەتتىك كيىممەن ءمىنىپ تۇرعان ۆيدەوسى جەلىدە جاريا بولىپ، كوپشىلىكتىڭ قىزۋ تالقىسىنا تۇسكەن. ءبىرى تاراپ "قازاق بالاسى اتقا مىنسە ايىپ پا؟" دەپ اتىراۋلىق پوليسەيدى اقتاپ الۋعا تىرىسسا، ەندى ءبىر تاراپ "قىزمەتتىك ەتيكانى بۇزدى"، "بۇل ادەپكە ساي ەمەس" دەپ ايان دۇيسەمبايەۆتىڭ ۆيدەوداعى اركەتىن ادەپسىزدىككە بالاعان.
گەنەرالدىڭ بۇل ارەكەتىن قازاقستان پرەزيدەنتى قاسىم-جومارت توقايەۆ تا ادەپسىزدىككە بالاپ، "سىيلىققا جىلقى مىنگەن" پوليسيا دەپارتامەنتى باسشىسىن قاتاڭ جازالاناتىنىن ايتقان.
سونىمەن ءبىر اپتا بويى جەلىنى شۋلاتقان ايان دۇيسەمبايەۆ قىزمەتىنەن كەتى.
