"قىزىعا جاز، قىزا جاز، قىزىقتىرا جاز! ويلانىپ جاز، ويلى جاز، وي سالا جاز، ويلاندىرا جاز! ىزامەن جاز، كەكپەن جاز، كەكتەندىرە جاز!" دەپ عابيت مۇسىرەپوۆ وسيەت ەتكەندەي، حالقىمەن جانى ءبىر ەكەنىن ەشقاشان ەستەن شىعارماي، تاۋەلسىز حالقىنىڭ جەتىستىكتەرىن دە، جەتىستىككە جەتسە دە مۇڭى تاۋسىلمايتىن جۇرتىنىڭ شەرىن دە ساراپتاي تىڭداپ، ماسەلەنى بايىپپەن شەشەر اسىل ءسوزدىڭ كوشىن ورلەتەر اسىل پەرزەنتى بولۋعا ۇمتىلعان جاس تىلشىلەرگە ارنالعان "جۋرناليست بولعىڭ كەلە مە؟" بايقاۋىنىڭ شەشۋشى كەزەڭى اياقتالدى.

ەڭ ۇزدىك شىعارمالار، ەسسەلەر، فوتو، اۋديو، ۆيدەوماتەريالدار مەن گرافيكالىق تۋىندىلارعا جاريالانعان بايقاۋدىڭ قورىتىندىسى بويىنشا ەڭ ۇزدىك جۇمىستاردىڭ جەڭىمپازدارىن ديپلومدارمەن ماراپاتتاۋ راسىمىنە قازاقستان جازۋشىلار وداعىنىڭ مۇشەسى، بەلگىلى ساتيريك، رەسپۋبليكالىق "اننۇر ساپا" باسپاسىنىڭ باس رەداكتورى، "التىن قالام" سىيلىعىنىڭ لاۋرەاتى ەرماحان شايحى ۇلى، رەسپۋبليكالىق "جاس وركەن" جەكە شارۋاشىلىعى سەرىكتەستىگى باس رەداكتورىنىڭ ورىنباسارى، جۋرناليست جۇلدىز ءابدىلدا، مەكتەپ وقۋشىلارى مەن ۇستازدار قاۋىمىنا ارنالعان "Martebe.kz" ينتەرنەت پورتالىنىڭ باس رەداكتورى بەرىكبول تولەگەن قاتىستى.

فورۋمدى باسپا ءسوز جانە ەلەكتروندى ب ا ق كافەدراسىنىڭ مەڭگەرۋشىسى سۇلتانبايەۆا گۇلميرا سەرىكباي قىزى كىرىسپە سوزبەن اشىپ، بايقاۋعا قاتىسۋشىلارعا ءسات-ساپار تىلەدى.

ءداستۇرلى XIX "جاس تىلشىلەر" فورۋمىنا بەلسەندى قاتىسىپ، "جۋرناليست بولعىڭ كەلە مە؟" "عىلىمي شىعارمالار – 2019" بايقاۋىنىڭ ەڭ ۇزدىك جۇمىسىمەن تانىلعان I-دارەجەلى ديپلومداردى اتىراۋ وبلىسى، قىزىلقوعا اۋدانى، تاسشاعىل اۋىلىنىڭ 11- سىنىپ وقۋشىسى ەڭسەپ شۇعىلا، تۇركىستان وبلىسى، بايدىبەك اۋدانى، سارىبۇلاق اۋلىنىڭ 10 سىنىپ وقۋشىسى جۇماحان نۇرلىحان، الماتى وبلىسى، ىلە اۋدانى، وتەگەن باتىر كەنتىنىڭ 11-سىنىپ وقۋشىسى مامبەتوۆا جانسايا، الماتى قالاسى، 172 مەكتەپ-گيمنازياسىنىڭ 11 سىنىپ وقۋشىسى كاجىگۋماروۆا تولعاناي، الماتى قالاسى، 148 مەكتەپ-گيمنازياسىنىڭ 11-سىنىپ وقۋشىسى احمەتوۆا اقبوتا، يمانالى نازەركە ت.ب. يەلەندى.    

سونداي-اق Iى-دارەجەلى ديپلومدارمەن قاپشاعاي قالاسىنداعى "ورتا مەكتەپ-گيمنازياسىنىڭ" 10 سىنىپ وقۋشىسى ناۋرىزبەكوۆا نازىم، پاۆلودار وبلىسى، باياناۋىل اۋدانى، الكەي مارعۇلان اتىنداعى مەكتەپتىڭ 11 سىنىپ وقۋشىسى الدانىش شولپان، قىزىلوردا وبلىسى، قىزىلوردا قالاسى، ءالي ءمۇسىلىم ۇلى اتىنداعى №101 مەكتەپ-ليسەيدىڭ 10 «ب» سىنىپ وقۋشىسى تىلەسحان ارۋجان، تۇركىستان وبلىسى، بايدىبەك اۋدانى، اقباستاۋ اۋىلىنىڭ ش.ءۋاليحانوۆ اتىنداعى جالپى ورتا مەكتەبىنىڭ 10 سىنىپ وقۋشىسى تۇرىسبەك ايعانىم، الماتى وبلىسى، قاسكەلەڭ قالاسى، اباي اتىنداعى ورتا مەكتەپ-گينازياسىنىڭ 10 سىنىپ وقۋشىسى سەزحان ايسۇلۋ ماراپاتتالدى.

فورۋمعا قاتىسۋشىلار ەڭ ۇزدىك ۆيدەوجوباسىمەن تانىلعان I-دارەجەلى ديپلوم يەگەرى تۇركىستان وبلىسى، سارىاعاش اۋدانى، جاڭا تۇرمىس اۋىلى، N53 مالىك عابدۋللين اتىنداعى ورتا مەكتەپتىڭ 10 سىنىپ وقۋشىسى ماليكاجداروۆا التىنايدىڭ "ەگەر مەن جۋرناليست بولسام!"، "ايالاساڭ، تابيعاتتى ايالا!" ۆيدەوسيۋجەتتەرىن تاماشالادى. ەڭ ۇزدىك ۆيدەوجوبالارمەن تانىلعان ى-دارەجەلى ديپلوم يەگەرلەرىن ءال-فارابي اتىنداعى قازۇۋ-دىڭ جۋرناليستيكا فاۋلتەتىنىڭ دوسەنتى، فيلولوگيا عىلىمدارىنىڭ كانديداتى جيدەگۇل ءابدىجادىل قىزى ماراپاتتاپ، ءسوز سويلەدى.

بايقاۋعا قاتىسۋشى، جەڭىمپاز وقۋشىلاردىڭ ءبىرى ەڭسەپ شۇعىلا ءوز شىعارماسىندا: "جۋرناليست بولعىم كەلەدى... سان قيلى، قاتپارلى ويلارىمنىڭ ءتۇيىنى، مەنىڭ البىرت جۇرەگىمنىڭ قالاۋى – وسى ماماندىق. ءار ادامنىڭ ومىرلىك ۇستانىمى، الاسارماس ارمانى بولادى. ارمانداۋدان كەم دە ەمەسپىز، ءبىراق مەن ەڭ باستىسى جۋرناليست بولامىن دەگەن ارمانىمدى شىندىققا اينالدىرۋدى ماقسات تۇتتىم. "ىزالى جۇرەك، دولى قول، ۋلى سيا، اششى ءتىل"، – دەپ حاكىم اباي ايتقانداي، شىندىقتى شاعىپ تۇرىپ ايتار مەنىڭ رۋحى بەرىك جانىم جازۋعا قۇشتار، ال قۇشتار جانىم سونى قالايدى"، – دەپ ءوزىنىڭ ماماندىققا دەگەن كىرشىكسىز ارمان-ماقساتىن جەتكىزەدى.

ال الماتى وبلىسى، قاراساي اۋدانى، قاسكەلەڭ قالاسىنداعى ۆ.گ.بەلينسكيي اتىنداعى ورتا مەكتەپتىڭ 11-سىنىپ وقۋشىسى سەيتحانوۆا سالتانات: "قازىرگى تاڭدا ەل اۋزىنا ءىلىنىپ، حالىققا تانىمال بولعان جۋرناليستەردى كورگەندە جانىم راحاتتانادى. ولاردىڭ جەتكەن تابىستارىنا قۋانامىن. اتاق، داڭق الماي-اق، حالىق ەسىمىن قۇرمەتپەن اتايتىن ادام بولۋ قانداي باقىت!

ۇلكەن لاۋازىم يەسى بولماي-اق، شىرىلداپ ءجۇرىپ ىزگىلىككە، جاقسىلىققا جەتۋ جولىندا قىزمەت ەتۋدىڭ قۋانىشى قانداي!؟ سوندىقتان دا ءوز قولىممەن بىرەۋگە باقىت سىيلاپ، بىرەۋدى شاتتاندىرۋدى ءناسىپ ەتسە، مەنەن مىقتى، مەنەن شەشەن ادام بولماس ەدى دەپ ەسەپتەيمىن. "ءتىلشى بولۋ – ءتىل ونەرىندەگى قاسيەتتى شىڭدى، شەشەندىكتى باعىندىرۋ»، – دەگەن قاناتتى ءسوزدى ومىرلىك كرەدو ەتىپ الىپ، بار كۇش-جىگەرىمدى وسى جولعا ارنايمىن. الداعى سىنداردان سۇرىندىرمەس قوس قاناتىم – ءبىلىمىم مەن قۋات-كۇشىمدى وسى جولعا باعىتتايمىن"، – دەگەن تولعانىستارى جاس ءتىلشىنىڭ اسقاق ارماندارىن قاناتتاندىرا تۇسكەندەي بولدى.

شارا بارىسىندا ەلىمىزدىڭ بارلىق ايماقتارىنان كەلگەن مەكتەپ وقۋشىلارى "ۇلان"، "درۋجنىە رەبياتا" رەداكسيالارىندا قوناقتا بولىپ، "قازاقفيلم" كينوستۋدياسىنا ساياحات جاسادى.

مادەني باعدارلاما بويىنشا فورۋمعا قاتىسۋشىلار ءال-فارابي اتىنداعى قازۇۋ قالاشىعىنا پرەسس-تۋر جاساپ، "كەرەمەت" ستۋدەنتتەرگە قىزمەت كورسەتۋ ورتالىعى مەن "ءال-فارابي كىتاپحاناسىمەن" تانىستى. سونداي-اق الماتى وبلىستىق "جەتىسۋ" تەلەارناسىنىڭ باس پروديۋسەرى، رترك "قازاقستان" تەلەارناسى، "ايتۋعا وڭاي" باعدارلاماسىنىڭ شەف-رەداكتورى قىزمەتتەرىن اتقارعان بىلىكتى جۋرناليست نەليا رۋشانوۆامەن كەزدەستى. قازاق راديوسىنىڭ تىكەلەي ەفيردەگى "تاۋلىك تىنىسى" باعدارلاماسىنىڭ جۇرگىزۋشىسى، "حابار" رەداكسياسى اقپارات قىزمەتىنىڭ باس رەداكتورىنىڭ ورىنباسارى قىزمەتتەرىن اتقارعان، قازىرگى تاڭدا ۋنيۆەرسيتەتتەگى "ءال-فارابي" ارناسىنىڭ "كوزبە-كوز" تەلەجوباسى مەن "سوزبە-سوز" راديوجوباسىنىڭ اۆتورى، ستۋدەنتتەرگە ارنالعان "Telezerthana.kz" يۋتۋبكانالىنىڭ قۇرىلتايشىسى، جۋرناليستيكا سالاسىنىڭ تانىمال دارىسكەرى جيدەگۇل ءابدىجادىل قىزىنىڭ شەبەرلىك سىنىپتارىنا قاتىستى.

فورۋم سوڭىندا بارلىق ماراپات يەلەرىنە ءال-فارابي توسبەلگىسى مەن ۋنيۆەرسيتەتتىڭ ارنايى سىيلىقتارى تابىس ەتىلدى. جۋرناليستيكا فاكۋلتەتىنىڭ 4 كۋرس ستۋدەنتى امانگەلدى بيبارىس پەن جاس انشىلەر ءداۋىر ساعىندىقوۆ، سەرىك ەرلاندار قازاق اندەرىنەن شاشۋ شاشىپ، مۋزىكالىق سالەمدەرىن جولدادى.

دەرەككوز: kaznu.kz

عاليا مايكوتوۆا