الماتىداعى XVI ەۆرازيالىق مەديافورۋمدا اقپارات جانە قوعامدىق دامۋ ءمينيسترى داۋرەن ابايەۆ وتاندىق جۋرناليستيكا مەن الەمدىك باق-تىڭ الەۋمەتتىك جەلىدەن باستى ارتىقشىلىعى جايلى پىكىر ءبىلدىردى دەپ جازادى Qamshy.kz اقپارات اگەنتتىگى.

جۋرناليستەر مينيستر ابايەۆتان قازاقستاندىق جۋرناليستيكانىڭ دەڭگەيى تۋرالى سۇرادى.

–مەن وتاندىق جانە شەتەلدىك مەديانى بىرى-بىرىنەن كەم نەمەسە ارتىق دەمەس ەدىم. جالعىز قازاقستاندىق ەمەس، بۇكىل ب ا ق قۇرالدارىندا كەمشىلىكتەر بولادى. ءبىراق ايتا كەتۋ كەرەك، قازاقستاندىق جۋرناليستيكانىڭ كاسىبي بىلىكتىلىگى ءقازىر الەمدىك دەڭگەيگە جەتكەن، - دەدى داۋرەن ابايەۆ.

سونىمەن قاتار، ول كلاسسيكالىق جۋرناليستيكانى الەۋمەتتىك جەلىمەن سالىستىردى.

–ماعان مەديا، كاسىبي جۋرناليستيكا مەن الەۋمەتتىك جەلى تۋرالى سۇراقتار ۇنادى. مەن مۇنى باسقاشا ايتار ەدىم. قازاقستاندىق ب ا ق قۇرالدارى الەۋمەتتىك جەلىمەن باسەكەسىنە قالاي توتەپ بەرە الادى؟ بۇل – ابىروي جانە سەنىم. الەۋمەتتىك جەلىدە جاريالانعان ماتەريالدارعا قاراعاندا كاسىبي جۋرناليستيكاعا سەنىم كوبىرەك بولاتىنىن ءتۇسىنۋىمىز كەرەك. ويتكەنى، الەۋمەتتىك جەلى قولدانۋشىلارىنان ايىرماشىلىعى جۋرناليستەر ماتەريالدى جاريالاماس بۇرىن اقپاراتتى تەكسەرەدى. مەن جۋرناليستيكانىڭ ۇنەمى اقپاراتتىڭ ەڭ سەنىمدى جانە ايقىن دەرەككوزى بولاتىنىنا سەنەمىن” – دەدى مينيستر داۋرەن ابايەۆ.

اۋدارعان: يلدار اديلچەنوۆ