8K ۋلتراجوعارى تۇنىقتىعى جانە جاساندى ينتەللەكت تەحنولوگياسى بار الەمدەگى ءبىرىنشى QLED تەلەديدارىمەن جابدىقتالعان كينوتەاتر Esentai Mall ويىن-ساۋىق ورتالىعىنداعى Kinopark اۋماعىندا اشىلدى دەپ جازادى Qamshy.kz اقپارات اگەنتتىگى. 

Samsung كومپانياسى وسى جوبانى Kinopark كينوتەاترلار جەلىسىمەن بىرگە  قولعا العان.

VIP-كينوزالدىڭ اشىلۋ راسىمىندە Samsung وكىلدەرى جۋرناليستەرگە يننوۆاسيالىق QLED 8K جەلىسىنىڭ ەرەكشەلىكتەرىن كورسەتتى.

8ك – ەكراننىڭ تۇنىقتىعىن بارىنشا جوعارعى دەڭگەيدە كورسەتەدى، جاساندى ينتەللەكتىڭ ارقاسىندا كونتەنت ساپاسى 8ك ولشەمىنە دەيىن جاقسارعان، ەكراننىڭ كورىنىسى بولمەدەگى جارىقپەن رەتتەلەدى. 

اشىلۋ راسىمىندە Samsung Electronics Central Eurasia پرەزيدەنتى حان سانگ ۆۋ كينوتەاتر اشۋعا نە سەبەپ بولعانىن ايتتى.

"ادامدار كينوتەاترعا ۇلكەن ەكرانداعى شىنايى بەينەنى تاماشالاپ، دىبىس ۇندەستىگىنەن اسەر الۋ ءۇشىن  بارادى. ال ۇلكەن ەكرانى بار QLED 8K (ەڭ جوعارى دياگونالى – 98 ديۋيم) سول ساپانى بەرەدى. ياعني كورەرمەن QLED 8ك تەلەديدارىنان سۇيىكتى كينوتۋىندىلارىن كورگەندە بەينەسى مەن دىبىسىنىڭ ساپاسى جوعارى زاماناۋي كينوزالدا وتىرعانىن سەزىنەدى. ءسىز ەكراندا بولىپ جاتقان بەينەدەن اسەر الاسىز، بولمەدە بولساڭىز دا ءوزىڭىزدى وقيعانىڭ ورتاسىندا جۇرگەندەي سەزىنەسىز"، – دەدى ول.

ەستەرىڭىزگە سالا كەتسەك، QLED 8K Cinema كينوتەاترى كورسەتكەن العاشقى فيلم چاد ستاحەلسكيدىڭ “دجون ۋيك 3” بويەۆيگى بولدى.

سونىمەن بىرگە Samsung وكىلدەرى ءدال وسى كينوتەاتردا كومپانيانىڭ بولاشاق فلاگمان ونىمدەرىنىڭ تانىستىرىلىمىن وتكىزەتىنىن حابارلادى.

ۇسىنعان: مارجان سابەت