"جولبارىستار ەشقاشان ءتىسىن جۋمايدى، ونىڭ تىستەرى ءاردايىم وتكىر بولىپ تۇرۋى ءتيىس" دەگەن ۇستانىمداعى جۇڭگو ديكتاتورى ءوزىن جىرتقىش ءھام ءقاۋىپتى ادام رەتىندە باعالاعان.

"ماو سزەدۋننىڭ جەكە ءومىرى" دەگەن كىتاپ جاريالاعان ديكتاتوردىڭ جەكە دارىگەرى سيۋان يانچي ونىڭ وتە قىزىق ادام بولعانىن ايتادى. ماو "جولداستىڭ" ۇزەڭگىلەستەرىنىڭ ءوزى تاڭداناتىن ەرەكشە ادەتتەرى بولعان ەكەن.

وسىنىڭ ىشىندەگى ەڭ ايتۋلى ءارى نازار اۋدارتاتىن ادەتى – ديكتاتوردىڭ ۇزاق ءومىر سۇرۋگە قاتتى ۇمتىلىس جاساۋى. ول ءوزىنىڭ وسى مۇددەسىنىڭ ۇدەسىنەن شىعۋ ءۇشىن، ءتىپتى، پاك قىزداردى دا قولدانۋدان باس تارتپاعان.

سونداي-اق، ءومىر جاسىن ۇزارتۋ ءۇشىن قىتايلىق كوشباسشى جەكە گيگيەنا قاعيدالارىن دا وزىنشە قۇرعان.

مىسالى، ول ەشقاشان سۋمەن جۋىنباپتى. تەك دەنەسىن سۋلى ورامالمەن سۇرتكىزىپ وتىرعان. وسىدان كەيىن ول "تريحومونوز" دەگەن اۋرۋعا شالدىعىپ، سول كەزدە-اق دامىعان جۇڭگو مەديسيناسىنىڭ كومەگىمەن امان قالادى.

دارىگەر ماوعا جەكە گيگيەنانى ساقتاۋ قاجەتتىلىكتەرى تۋرالى ايتقاندا، ديكتاتور ءوزىنىڭ جولبارىس تۋرالى ءتامسىلىن العا تارا بەرگەن. ول ءار كۇنى تاڭەرتەڭ ءتىسىن كوك شايمەن ىسقىلاپ، ارتىنشا تاعى دا شاي تۇيىرشىكتەرىن شايناپ جۇرگەن. دارىگەر ديكتاتوردىڭ قىزىل يەگىنىڭ ءتۇسى بىرنەشە جىلداردان كەيىن جاسىل تۇسكە ەنىپ كەتكەنىن ايتادى.

وسىناۋ ءبىر "ءبىرتۇرلى" قاعيدالاردىڭ تۋۋىنا زەرتتەۋشىلەر ديكتاتوردىڭ كەدەيشىلىكتە جەتىلگەنى، ونىڭ وركەنيەتتەن اسا حاباردار ەمەستىگى سەبەپ بولعان دەسەدى. 

ماونىڭ تاعى ءبىر ەرەكشەلىگى – جۋىنۋ مەن ۇيىقتاۋدى بوسقا ۋاقىت جوعالتۋ دەپ ساناۋى. ول تاۋلىگىنە ءتورت ساعاتتان ارتىق ۇيىقتاماعان.

وسىنىڭ ءبارىن ماو ۇزاق ءومىر ءسۇرۋ ءۇشىن جاسادى. دەسە دە، ول ءوز ميسسياسىندا رەكورد ورناتقان جوق. ماقساتىنا جەتە المادى دەپ ايتۋعا تاعى بولمايدى. ماو سزەدۋن 82 جاسىندا ومىردەن وتكەن.

قازىرگى زاماندا دا اتاقتى ديكتاتوردىڭ ادەتىن قايتالاۋشىلار كوپ. ولار ءتىس ششەتكاسى مەن پاستادان ماقۇرىم قالعان. وسى كەرەعارلىقتى قالپىنا كەلتىرۋ ءۇشىن جۇڭگو ۇلتتىق اۋىز قۋىسى گيگيەناسىن ساقتاۋ كوميتەتى قۇرىلعان. قىزىق پا؟! قىزىق!