سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرونىڭ ءتوراعاسى قايرات سونتايەۆ اعايىندى رىسقالييەۆتەردىڭ ۇرلاعان اقشاسىن قايتارۋ بويىنشا قانداي جۇمىس اتقارىلىپ جاتقانى تۋرالى باياندادى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

ونىڭ ايتۋىنشا، اعايىندى رىسقالييەۆتەرگە قاتىستى سوت ۇكىمى بويىنشا ۇرلانعان قاراجاتتى مەملەكەتكە قايتارۋ شارالارى دا ەسكەرىلگەن. ونىڭ ىشىندە اندورراداعى 14 ميلليون جانە شۆەيسارياداعى 90 ميلليون دوللار دا بار. 

"سونداي-اق، سوتتالعانداردىڭ 3 ميلليارد تەڭگەنىڭ مۇلكى تاركىلەندى. ونىڭ ىشىندە اتىراۋ وبلىسى مەن اقتوبە وبلىسىندا ورنالاسقان 170 جىلجىمايتىن مۇلىك بار. بۇدان بولەك، كىنالى ازاماتتاردان زاڭسىز كەلىسىمشارتتاردىڭ نەگىزىندە تۇسكەن 12 ميلليارد تەڭگە تاركىلەندى"، - دەدى سونتايەۆ باسپا ءسوز ءماسليحاتىندا.

بيۋرو باسشىنىڭ سوزىنە قاراعاندا، سوتقا دەيىنگى تەرگەۋ كەزىندە 3 ميلليارد تەڭگە مەملەكەت مەنشىگىنە قايتارىلدى. اعايىندى رىسقالييەۆتەر بۇل اقشانى جىلجىمايتىن مۇلىكتى مەملەكەتتىك بالانستان شىعارۋ ارقىلى يەمدەنگەن.

ۇسىنعان: مارجان سابەت