اسكەرگە بارماي، قىزمەت ەتكەنىن كۋالاندىراتىن بيلەتتەردى ساتىپ الۋ فاكتىلەرىنىڭ سانى ازايماي تۇر. سىبايلاس جەمقورلىققا قارسى ۇلتتىق ءىس-قيمىل بيۋروسى ەكىباستۇز قالاسىندا تىركەلگەن وسى تيپتەس فاكتى تۋرالى مالىمدەمە جاسادى دەپ جازادى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

ۇستىمىزدەگى جىلدىڭ 1-ناۋرىزىنان باستاپ قازاقستاننىڭ قارۋلى كۇشتەرى قاتارىنا كوكتەمگى شاقىرتۋ ناۋقانى باستالدى. قورعانىس مينيسترلىگى اسكەر قاتارىنا شاقىرتىلعان ازاماتتار سانىنىڭ ازدىعىنان بولەك، ءوز ەرىكتەرىمەن اسكەر قاتارىنا بارعىسى كەلەتىن ازاماتتار قاتارىنىڭ ارتىپ كەلە جاتقانىن دا ايتادى. دەسەك تە، اسكەري بيلەتتى باسقا جولمەن العىسى كەلەتىندەر دە از ەمەس.

"ەكىباستۇز قالاسىنىڭ قورعانىس ىستەرى بويىنشا جۇمىس جاسايتىن ءبولىمىنىڭ ينسپەكتورى تاراپىنا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. ول دەلدالدار ارقىلى اسكەري بيلەت جاساپ بەرۋ ءۇشىن 800 مىڭ تەڭگە كولەمىندە پارا الدى دەپ ايىپتالۋدا. ايىپتالۋشى وتكەن وتىرىستاردا وزىنە تاعىلعان ايىپتى مويىندامادى. تەرگەۋ جالعاسۋدا"، - دەلىنگەن اتالمىش مالىمدەمەدە.

اۋدارعان: ادىلەت مادەنيەت