ۋكراينالىقتار زەلەنسكييدىڭ وتستاۆكاعا كەتكەنىن تالاپ ەتۋدە دەپ جازادى Qamshy.kz اقپارات اگەنتتىگى. بۇل تۋرالى ria.ru سايتى حابارلادى. ۆلاديمير زەلەنسكييدىڭ وتستاۆكاعا كەتۋىن تالاپ ەتۋ تۋرالى پەتيسيا ۋكراينا پرەزيدەنتى سايتىنا جاريالانعان. ءبىر كۇن ىشىندە پەتيسياعا 25 مىڭعا جۋىق ادام قول قويعان. ال بۇل سايتقا جاريالانعاننان كەيىن قول قويعانداردىڭ سانى 40 مىڭعا جۋىقتادى. 

پەتيسيانىڭ اۆتورى زەلەنسكييدى ۋكراينالىقتاردىڭ 73 پايىزى قولدايتىنىنا كۇمانمەن قارايتىنىن ايتقان. 

ال زەلەنسكيي بولسا اتالمىش پەتيسيانى قاراستىرمايتىنىن ايتتى. بۇل تۋرالى پرەزيدەنتتىك اكىمشىلىكتىڭ باسشىسى اندرەي بوگدان حابارلادى. ونىڭ ايتۋىنشا، زەلەنسكييدىڭ كومانداسى بۇل پەتيسيانى "جاقسى ءازىل" دەپ باعالاپتى. سونداي-اق وتستاۆكاعا كەتۋىن تالاپ ەتكەن پەتيسيادان كەيىن زەلەنسكييگە 10-نان استام ءوتىنىش كەلگەن. ولار پەتيسيانى قاراستىرۋدان باس تارتۋ كەرەكتىگىن ايتىپ، ءوتىنىش جاساپتى. 

اۋدارعان: اسەل بولات قىزى