ماڭعىستاۋ وبلىسىنداعى جاڭاوزەن قالاسىندا قاتتى جەل باتۋتتى ۇشىرىپ اكەتتى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
وبلىس اكىمىنىڭ باسپا ءسوز حاتشىسى سامات سۇلەي اتاپ وتكەندەي، وقيعا بۇگىن تاڭەرتەڭ بولعان، ەشكىم زارداپ شەكپەگەن.
"باتۋت قاتتى جەلدەن ۇشىپ كەتكەن. باتۋتتى ورناتىپ جاتقان كەزدە جەل ۇشىرىپ اكەتىپتى. ول كەزدە باتۋتتا بالالار جوق بولاتىن"، - دەدى وبلىس اكىمىنىڭ باسپا ءسوز حاتشىسى.
الەۋمەتتىك جەلىدەگى ۆيدەودا ۇلكەن باتۋتتى جەل ۇشىرعانىن كورۋگە بولادى. مەملەكەتتىك ورگاندار باتۋت يەلەرىنە قاۋىپسىزدىك ەرەجەلەرىن ءتۇسىندىرۋ جۇمىستارىن جۇرگىزگەن.
ۇسىنعان: مارجان سابەت
