ش.ايمانوۆ اتىنداعى "قازاقفيلم" كينوستۋدياسىندا "ءبىزدىڭ سۇيىكتى دارىگەر - 2" اتتى جاڭا فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا وندىرىسكە جىبەرىلەدى دەپ حابارلايدى Qamshy.kz اقپارات اگەنتتىگى كينوستۋديانىڭ باسپا ءسوز قىزمەتىنە سىلتەمە جاساپ.
ءفيلمدى ش.ايمانوۆ اتىنداعى "قازاقفيلم" اق "Bissembin Film" بىرلەسىپ تۇسىرەدى.
ق ر مادەنيەت جانە سپورت ءمينيسترى ارىستانبەك مۇحامەدي ۇلى "ءبىزدىڭ سۇيىكتى دارىگەر" كوركەم ءفيلمى قازاقستاندىق كورەرمەندەر ءۇشىن ايتۋلى كارتينا جانە قازاق كينەماتوگرافياسىنىڭ التىن قورىنا ەنگەندىگىن ايتا وتىرىپ، ءتۇسىرىلىم توبىنا ۇلكەن مىندەت قويىلعانىن جەتكىزدى.
"ءبارىمىز ءسۇيىپ كورەتىن بۇل كارتينانى جاساۋعا سول زامانداعى قازاق ونەرىنىڭ ۇزدىك وكىلدەرى قاتىسقان. ونى بيبىگۇل تولەگەنوۆا، يۋريي پومەرانسيەۆ، ەرمەك سەركەبايەۆ، مۇلىك سۇرتىبايەۆ، حاديشا بوكەيەۆا جانە شاكەن ايمانوۆ جاساپ شىققان. ءفيلمنىڭ جالعاسىن وندىرىسكە جىبەرەر الدىندا ءفيلمنىڭ رەجيسسەرىنە شاكەن ايمانوۆتاي جوعارى دەڭگەيدە ءتۇسىر دەپ تاپسىردىم. اسقار بيسەمبيننىڭ قولىنان جاقسى فيلم شىعادى دەپ سەنەمىن"، - دەدى ارىستانبەك مۇحامەدي ۇلى ءىس-شارا بارىسىندا.
"بۇل ءفيلمدى ءتۇسىرۋ – ۇلكەن جاۋاپكەرشىلىك. ءبارىمىز دە وسى تۋىندىنى كورىپ وستىك ەمەس پە. بالا كەزىمدە بۇل ءفيلمدى ءجيى كورەتىنمىن. ءبىز ريمەيك ءتۇرىسۋدى كوزدەپ وتىرعان جوقپىز، بۇل سول وقيعانىڭ جالعاسى عانا"، - دەگەن ەدى رەجيسسەر اسقار بيسەمبين.
كومەديانىڭ جالعاسىنا ءبىرىنشى بولىمدەگى دارىگەر يۋريي پومەرانسيەۆ تۇسپەك. سونداي-اق، «گولوس. دەتي-4. ۋكراينا» بايقاۋىنىڭ جەڭىمپازى دانەليا تۋلەشوۆا تۇسىرىلىمگە قاتىسادى.
- وسى فيلمگە تۇسەتىنىمە وتە قۋانىشتىمىن. «ءبىزدىڭ سۇيىكتى دارەگەر» ءفيلمىن وتباسىمىزبەن بىرگە ءجيى كورەمىز. سوندىقتان دا، بۇل ءفيلمنىڭ جالعاسى ءار ءتۇرلى جاستاعى كورەرمەندەرگە قىزىقتى بولادى دەپ ويلايمىن، - دەدى دانەليا تۋلەشوۆا.
«ءبىزدىڭ سۇيىكتى دارىگەر-2» ءفيلمى – 1957 جىلى شاكەن ايمانوۆ تۇسىرگەن تانىمال مۋزىكالىق ءفيلمنىڭ جالعاسى.
ۇسىنعان: مارجان سابەت
