قازاقستاننىڭ ەڭبەك سىڭىرگەن سپورت شەبەرى، اۋىر اتلەت يليا يلين الداعى پرەزيدەنت سايلاۋىنا قاتىستى پىكىر ءبىلدىردى دەپ حابارلايدى Qamshy.kz اقپارات اگەنتتىگى. بۇل تۋرالى سپورتشى قاسىم-جومارت توقايەۆتىڭ رەسپۋبليكالىق قوعامدىق شتابىنىڭ قىزىلوردا وبلىسىنداعى جيىنىندا ايتتى.
"مەنىڭ ويىمشا، قاسىم-جومارت توقايەۆ الدا كەلە جاتقان پرەزيدەنت سايلاۋىنداعى ەڭ ۇزدىك كانديدات، سەبەبى ونى ەلباسىنىڭ ءوزى ۇسىنىپ، قولداۋ ءبىلدىردى. ال مەن نۇرسۇلتان ءابىش ۇلىنىڭ ساياساتىن قوس-قولداپ قولدايمىن. سوندىقتان بارشاڭىزدى سايلاۋعا كەلىپ، قاسىم-جومارت توقايەۆقا داۋىس بەرۋگە شاقىرامىن. قاسىم-جومارت توقايەۆتىڭ وزىنە كەلەتىن بولسام، ول – وتە كەرەمەت ادام، سونىمەن قاتار ساياسات تۋرالى، ەلدەگى جاعداي تۋرالى جەتىك بىلەتىن، وسى سالادا ۇزاق ۋاقىت جۇمىس جاساعان جان رەتىندە تانيمىن. بارلىقتارىڭىزعا مەنى قولداپ، قۇرمەتتەگەندەرىڭىز ءۇشىن العىس بىلدىرەمىن. ءسوز سوڭىندا تاعى دا، بارشاڭىزدى سايلاۋعا كەلىپ، قاسىم-جومارت توقايەۆقا داۋىس بەرۋگە شاقىرامىن"، - دەپ ويىن قورىتىندىلادى يليا يلين.
دايىنداعان: داۋرەن سىبانباي
پىكىر قالدىرۋ