ورىس ءتىلدى قازاق اقىنى ولجاس سۇلەيمەنوۆ  قازاقستاندا 9 ماۋسىمدا وتەتىن كەزەكتەن تىس پرەزيدەنت سايلاۋى تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى ازاتتىق راديوسىنا سىلتەمە جاساپ.

نۇر-سۇلتاندا وتكەن ءىىى حالىقارالىق ەكولوگيالىق كونگرەسستەن كەيىن جۋرناليستەرگە سۇحبات بەرگەن بەلگىلى اقىن "سايلاۋ بار، تاڭداۋ جوق" دەگەن پىكىر ايتقان.

"تۇسىنۋىمشە، ايتارلىقتاي باسەكە جوق. مۇنداي جاعدايدا بولۋى دا مۇمكىن ەمەس. بەلگىسىز ادامدار مەملەكەت باسقارعىسى كەلەدى. ول ءۇشىن ادام ءوزىن ايتەۋىر ءبىر قىرىنان كورسەتىپ، ونداعان جىل ەل اۋزىندا جۇرگەن تانىس ادام بولۋ كەرەك. ال ولاي بولماسا، سايلاۋ دەگەن اتى عانا. سايلاۋ بار، تاڭداۋ جوق"،– دەدى ولجاس سۇلەيمەنوۆ.

ۆيدەو ازاتتىق راديوسىنىڭ Youtube پاراقشاسىنان الىندى

ايتا كەتەيىك، قازاقستاندا 9 ماۋسىمدا كەزەكتەن تىس پرەزيدەنت سايلاۋى وتەدى. وسك وعان 7 كانديداتتى تىركەدى. 

 ۇسىنعان: ميات كاشىباي