قازاقستاندا كولىك قۇرالدارىن تەكسەرۋ ەرەجەلەرىنە وزگەرىستەر ەنگىزىلدى دەپ حابارلايدى Qamshy.kz اقپارات اگەنتتىگى كازپراۆدا سايتىنا سىلتەمە جاساي وتىرىپ. 

ق ر ييدم باسپا ءسوز قىزمەتى حابارلاعانداي، كولىك سالاسىنداعى تەحنيكالىق بايقاۋ نارىعىن قالىپقا كەلتىرۋ ءۇشىن قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتى "جول قوزعالىسى تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزدى.

"الداعى ۋاقىتتا تەحنيكالىق قىزمەت كورسەتۋ ستانسيالارىنىڭ يەلەرى «ۇلتتىق اقپاراتتىق تەحنولوگيالار» اق-نىڭ ءبىرىڭعاي وپەراتورى ۇسىناتىن باعدارلامالىق جاساقتامانى پايدالانۋعا ءتيىس. ولارعا قويىلاتىن تالاپتار 2019 جىلدىڭ شىلدەسىنە دەيىن بەكىتىلۋى قاجەت. تەكسەرۋدەن ءوتۋ ءتارتىبى وزگەرمەيدى، وسىعان بايلانىستى اۆتوكولىك يەلەرىنە الاڭداماۋعا بولادى."،- دەلىنگەن حابارلامادا.

اۋدارعان: بەك بايتاس