الماتى قالاسىنىڭ اكىمى باۋىرجان بايبەك جول ەرەجەسىن بۇزعان جۇرگىزۋشىلەرگە زاڭدى ايىپپۇل سالۋدى قاجەت دەپ ەسەپتەيتىندىگىن جانە ايىپپۇلدان تۇسكەن قاراجات قايدا جۇمسالاتىنىن ايتتى دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.
اكىم Instagram جەلىسىندەگى جازباسىندا جۇرگىزۋشىلەر اراسىندا، جالپى قوعامدا كوپ تالقىعا تۇسەتىن ايىپپۇل توڭىرەگىندە ءسوز قوزعادى.
"مىناداي قاراپايىم قاعيدا بار: زاڭدى بۇزبا، سوندا ايىپپۇل تولە دەپ ەشكىم تالاپ قويمايدى. مەنىڭ ويىمشا، ءبىر ادامنىڭ ءومىرىن جالماعانى ءۇشىن دە الەم ەلدەرىندە قولدانىلاتىن قاتاڭ جازا وتە ورىندى. قالا تۇرعىندارىنىڭ قاۋىپسىزدىگى – ءبىزدىڭ الدىمىزداعى ماڭىزدى مىندەتتەردىڭ بىرەگەيى. جولداعى ءولىم كورسەتكىشىن نولگە ءتۇسىرۋ ءۇشىن ءبىز قالاداعى جولداردى باتىس ەلدەرىندەگىدەي جاساپ، ينفراسترۋكتۋرانى دامىتۋدامىز "، - دەدى اكىم.
اكىمنىڭ ايتۋىنشا، ايىپپۇلدار ەسەبىنەن سوعىس ارداگەرلەرىنە بەرىلەتىن ءبىر رەتتىك سىياقىنىڭ كولەمى 250 مىڭنان 500 مىڭعا دەيىن وسكەن، قوعامدىق كومەكتىڭ مولشەرى ارتقان جانە وتە سيرەك كەزدەسەتىن دەرتكە شالدىققان مىڭداعان ناۋقاستاردى دارىمەن قامتاماسىز ەتكەن.
بۇدان بولەك، الەمدىك تاجىريبەگە سايكەس، قالادا ءاربىر ەكى شارشى شاقىرىم سايىن اۋا تازالىعىنان اقپارات بەرىپ تۇراتىن 350 قۇرىلعىنى ورناتۋ جوسپارى جۇزەگە اسىرىلۋدا.
اۋدارعان: ادىلەت مادەنيەت
پىكىر قالدىرۋ