قازاقستاندا ايسايىن، ورتاشا العاندا، 62 كولىك ۇرلانادى. اتالعان ماقالادا، «Freedom Finance Insurance» ساقتاندىرۋ كومپانياسىنىڭ ماماندارى قانداي كولىكتەر ءجيى ۇرلاناتىنى تۋرالى باياندايدى.

ق ر قىلمىستىق كودەكسىندە «ايداپ كەتۋ» جانە «ۇرلىق»-بولەك تۇسىنىلەدى. «ايداپ كەتۋ» – «ۇرلاۋ ماقساتى جوق، اۆتوكولىكتى زاڭسىز يەلەنۋ»، ال «ۇرلىق» – «الدىن-الا ءسوز بايلاسۋ ارقىلى، تۇلعالار توبىمەن جاسالعان ارەكەت؛ الدەنەشە رەت؛ زورلىق جاساۋدى قولدانۋ جولىمەن». سوندىقتان، «ايداپ كەتۋ» جانە «ۇرلىق» ءۇشىن، جازالارى ايرىقشا. «ايداپ كەتۋ» بويىنشا – 1 000 اەك دەيىن ايىپپۇل سالۋ نەمەسە باس بوستاندىقتان 2 جىلعا شەكتەۋ نەمەسە، باس بوستاندىعىنان 2 جىلعا ايىرۋ. «ۇرلىق» ءۇشىن – 5 000 اەك دەيىن ايىپپۇل سالۋ نەمەسە باس بوستاندىقتان 2 جىلعا شەكتەۋ نەمەسە، باس بوستاندىعىنان اتالعان مەرزىمگە ايىرۋ. كەيبىر جاعدايلاردا، سوت جازا رەتىندە تۇزەۋ جۇمىستارىنا جولداۋدى تاڭداۋى مۇمكىن.

قازاقستانداعى كولىكتەر سانى

ق ر ستاتيستيكا كوميتەتىنىڭ مالىمەتتەرى بويىنشا، قازاقستاندىقتاردا 3،7 ميلليون جەڭىل كولىكتەر بار. بۇل 10 جىل بۇرىنعىدان 39% استام. ورتاشا، ءاربىر بەسىنشى قازاقستاندىق ماشينا يەسى.

ەڭ كوپ اۆتوكولىك الماتى وبلىسىندا تىركەلگەن – 490 812. بۇل، ءجۇز تۇرعىنعا شاققاندا – 24 اۆتو. ەكىنشى ورىندا الماتى – 470 360، ءۇشىنشى ورىندا – شىعىس قازاقستان وبلىسى – 298 039، ءتورتىنشى ورىندا قاراعاندى وبلىسى – 283 876. نۇر-سۇلتان تەك بەسىنشى ورىندا – 265 022 اۆتوكولىك. كولىگى ەڭ از قىزىلوردا وبلىسى – 113 524.

ءجۇز تۇرعىنعا شاعىلعان اۆتوكولىك سانى بويىنشا، كوشباسشىسى – الماتى (25). ال قازاقستاننىڭ ەڭ "جۇرگىنشى" اۋماعى – شىمكەنت جانە تۇركىستان وبلىسى. مۇندا، 100 تۇرعىنعا بار بولعانى 10 اۆتوكولىك.

قانداي كولىكتەر ءجيى ۇرلانادى

ايسايىن ەلىمىزدە ورتاشا العاندا، 62 كولىك ۇرلانادى جانە 150 اۆتوكولىكتى ۇرلاپ، ماقساتسىز ايداپ كەتۋدە. ۇرلىق سانى بويىنشا – الماتى ەڭ الدىندا. مۇندا، ورتاشا العاندا، اي سايىن 21 اۆتوكولىك ۇرلانادى. بۇل ەلدەگى جالپى ۇرلىق سانىنىڭ 34%-ىن قۇرايدى. رەيتينگتىڭ ەكىنشى ورنىندا – قاراعاندى (8 ۇرلىق)، ءۇشىنشى ورىندا – شىمكەنت جانە تۇركىستان وبلىسى (5 ۇرلىق)، ءتورتىنشى ورىندا قوستاناي وبلىسى (4،5 ۇرلىق)، بەسىنشى ورىندا – الماتى وبلىسى (4،3 ۇرلىق). رەيتينگتەگى ەڭ "ءقاۋىپسىز" اۋماقتار – اتىراۋ جانە سولتۇستىك قازاقستان وبلىستارى. اتالعان ايماقتاردا، اي سايىن جيىنتىقتا ءبىر كولىك ۇرلانادى.

جەڭىل اۆتوكولىكتەر سانى جانە اي سايىنعى ورتاشا ۇرلىق سانى

 ق ر ستاتيستيكا كوميتەتىنىڭ 01.04.2019 جىلعى مالىمەتى بويىنشا Freedom Finance Insurance راسىمدەدى

تمد-دا (سونىڭ ىشىندە، قازاقستاندا) ەڭ ءجيى ايداپ كەتەتىن كولىكتەر – Toyota، ۆاز جانە Mazda. اتالعان ماركالار ايداپ كەتۋ قاۋىپىنە كوبىرەك ۇشىراۋدا. بۇنى ق ر ءىىم مالىمەتتەرى سونداي-اق، بەيتاراپ سەرۆيستەر مەن زەرتتەۋلەرى راستايدى. سونىمەن قاتار، ەڭ ءجيى ايداپ كەتەتىن كولىكتەر تىزىمىنە كىرەتىندەرى: Honda، BMW، Lexus جانە Hyundai.

اۆتوكولىك ۇرىلارىنىڭ قۇربانى بولۋدان قالاي ساقتانۋ كەرەك

ۇرىلاردان كولىكتى قورعاپ قالۋدىڭ ءجۇز پايىزدىق ءادىسى جوق. الايدا، ولاردىڭ قۇربانى بولۋ ىقتيمالىن شەكتەۋ امالدارى بارشىلىق. «Freedom Finance Insurance» ساقتاندىرۋ كومپانياسىنىڭ ماماندارى، كولىكتىڭ ەسىك، تەرەزەلەرى جانە جۇكسالعىشى جابىلعانىن تەكسەرۋدى كەڭەستەيدى. كولىكتى قاراۋسىز ۇزاق مەرزىمگە قالدىرعاندا، بۇل وتە ماڭىزدى. ودان باسقا، سالون ىشىندە قۇندى زاتتاردى قالدىرماڭىز.

كولىكتى قورعاۋدىڭ مينيمالدى قۇرالدارى تۋرالى ۇمىتپاڭىز – دابىل بەرگىش جانە ايداپ كەتۋگە قارسى ارنايى قوندىرعىلار. ونى كۇزەتى بار تۇراقتا جانە گاراجدا ۇستاڭىز. كاسىبي ايداپ كەتۋشىلەردەن بۇل قورعامايدى، ءبىراق كەزدەيسوق بۇزاقىلار مەن قىلمىسكەرلەردەن ساقتاپ قالۋى مۇمكىن.

بۇدان باسقا، كاسكو ەرىكتى اۆتوساقتاندىرۋ ءپوليسىن رەسىمدەڭىز. پوليس ۇساق-تۇيەك سىزاتتاردان، ايداپ كەتۋدەن جانە كولىكتىڭ ىسىراپ بولۋىنان قورعايدى، سونىمەن قاتار، جكو، ءزىلزالا اپاتتار، ءۇشىنشى تۇلعالاردىڭ قۇقىققا قارسى ارەكەتتەرى سالدارىنان تۋىنداعان نۇقساندى وتەيدى.

اۆتور: رۋستەم الامانوۆ

ۇسىنعان: بەك بايتاس