Facebook الەۋمەتتىك جەلىسىنىڭ بەلسەندى قولدانۋشىسى، ساياساتتانۋشى باۋىرجان سەرىكبايەۆ قازاقستان استاناسى نۇر-سۇلتان قالاسىنىڭ بۇرىنعى اتاۋىنا قاتىستى ءوز ويىن ايتتى دەپ جازادى Qamshy.kz اقپارات اگەنتتىگى.

ساياساتتانۋشىنىڭ پىكىرىنشە، قازاقستاننىڭ تۇڭعىش پرەزيدەنتى نۇرسۇلتان نازاربايەۆ كوزى تىرىسىندە ءبىر قالانىڭ اتىن يەلەنۋ ارقىلى سان جىلدار بويى جيناعان ابىرويىنان ايىرىلىپ جاتىر.

"ەلباسىنىڭ بيلىكتەن كەتەمىن دەپ كەتپەي جۇرگەنىنە ەكى ايدان اسىپتى. وسى ارالىقتا ءبىراز نارسەنى ويلانىپ، قايتا تارازىلاپ شىعۋعا مۇمكىندىك بولدى. جالپى، ەلباسىنىڭ 30 جىلدىق ەڭبەگىنىڭ كۋلميناسياسى، بەتكە ۇستار جەتىستىكتەرىنىڭ ءبىرى رەتىندە استانا فاكتورىن اتاۋعا بولۋشى ەدى. وكىنىشكە قاراي وسى جەتكەن جەتىستىگىنىڭ ءوزىن سوڭعى قابىلداعان شەشىمدەرى ارقىلى قاسىقتاپ جيناعان ابىرويىن شەلەكتەپ توگۋمەن كەلەدى. ەلباسىنىڭ تاريxي باعاسىن بۇگىنگى شالدار ەمەس، كەلەسى بۋىن جاستار جانە مەنىڭ زامانداستارىم بەرەتىن بولامىز. سوندىقتان ءبىز الداعى 20-30 جىلدان كەيىن سىزدەر تۋرالى نە ايتاتىنىمىزدى الدىڭعى بۋىن شال-شاۋقاندار قازىردەن-اق شەت جاعاسىن تىڭداپ، وقي بەرىڭىزدەر!"،– دەگەن ول نازاربايەۆتىڭ تاريحي باعاسىن بيلىكتەگى بۋىن ەمەس، قازىرگى ءھام الدا كەلە جاتقان جاس بۋىن بەرەدى دەپ ەسەپتەيدى.