وزبەكستان ورتالىق بانكى تەڭگە بانككە ليسەنزيا بەرۋ تۋرالى شەشىم قابىلدادى دەپ جازادى Qamshy.kz اقپارات اگەنتتىگى تۇركىتىلدەس جۋرناليستەر قورىنا سىلتەمە جاساپ. 

"قازاقستان حالىق بانكى" اق-نىڭ ەنشىلەس ۇيىمى "Tenge Bank" اكسيونەرلىك كوممەرسيالىق بانكى (اكب) – وزبەكستان ورتالىق بانكىنىڭ بانكتىك وپەراسيالاردى جۇزەگە اسىرۋعا ليسەنزياسىن الدى جانە 2019 جىلعى ماۋسىم ايىنان باستاپ كليەنتتەرگە قىزمەت كورسەتۋدى جوسپارلاپ وتىر.

"ءبىز بارلىق سەرىكتەستەرىمىز بەن كليەنتتەرىمىزگە ەنشىلەس Tenge Bank  بانكتىك ليسەنزيانى العاندىعىن جانە ماۋسىم ايىنان باستاپ وزبەكستاندا جۇمىس ىستەۋگە دايىن ەكەندىگىن قۋانا حابارلايمىز. ەلىمىزدە جۇرگىزىپ جاتقان ەكونوميكالىق رەفورمالار قارجى قىزمەتتەرى نارىعىن بەلسەندى دامىتۋعا مۇمكىندىك بەرەدى. ءبىز بيزنەستىڭ كەڭ الەۋەتىن بايقاي وتىرىپ، وزبەكستانعا باعىتتالعان ينۆەستيسيانىڭ سەرىگىبولعىمىز كەلەدى. ءبىز وزبەك نارىعىن قازىرگى زامانعى بانكتىك تەحنولوگيالارمەن جانە كورپوراتيۆتىك، سونداي-اق بولشەك كليەنتتەرگە بانكتىك قىزمەتتەردىڭ بارلىق سپەكترىن جوعارى دەڭگەيدە قامتاماسىز ەتۋگە دايىنبىز. وڭىردەگى ەڭ ءىرى بانك رەتىندە ءبىز ءوز ميسسيامىزدى ەكونوميكالىق قاتىناستاردى كەڭەيتۋگە، كووپەراسيانى ارتتىرۋعا جانە ساۋدانى قولداۋعا ارنايمىز"، – دەدى حالىق بانك باسقارما ءتورايىمى ءۇمىت شاياحمەتوۆا.

حالىق بانك ءوز كەزەگىندە وزبەكستاندا ۇسىنىلعان العاشقى قازاقستاندىق بانك بولدى، وزبەكستان – ەندى حالىق قارجى توبىنىڭ ەنشىلەس قۇرىلىمى جۇمىس ىستەيتىن التىنشى مەملەكەت.

تەڭگە بانك كورپوراتيۆتىك جانە بولشەك كليەنتتەردىڭ بارلىق ساناتتارىنا قارجىلىق قىزمەت كورسەتە الاتىن امبەباپ بانك رەتىندە داميتىن بولادى.

جەكە تۇلعالارعا جيناق جانە كرەديت بەرۋ باعدارلامالارى، سونداي-اق تولەم كارتالارى ۇسىنىلادى. بىرنەشە ايدىڭ ىشىندە تەنگە بانك حالىقارالىق تولەم جۇيەلەرىمەن – Visa جانە Master Card-پەن جۇمىسىن باستاۋدى جوسپارلاپ وتىر. سونىمەن قاتار، بانك ونلاين تولەمدەر مەن اۋدارىمداردىڭ ەڭ باي فۋنكسيونالى بار Homebank ينتەرنەت-پلاتفورماسىنىڭ ءموبيلدى قوسىمشاسىن ىسكە قوسۋدى جوسپارلادى.ءبىر مەزگىلدە كورپوراتيۆتىك كليەنتتەر مەن كاسىپكەرلەردىڭ بارىنشا قولايلىلىعى ءۇشىن وزىق جانە يننوۆاسيالىق قىزمەتتەر مەن سەرۆيستەر جيىنتىعىن ۇسىناتىن Onlinebank قوسىلادى.

تەڭگە بانك زاڭدى تۇلعالارعا، شاعىن جانە ورتا بيزنەسكە قىزمەت كورسەتۋ بويىنشا ەرەكشە كوڭىل بولەدى. ۇيرەنشىكتى ەسەپ ايىرىسۋ-كاسسالىق قىزمەت كورسەتۋدەن باسقا بانك دەپوزيتتىك جانە كرەديتتىك ونىمدەردىڭ، سونىڭ ىشىندە ساۋدانى قارجىلاندىرۋ قۇرالدارى – ترانسشەكارالىق وپەراسيالاردى قامتاماسىز ەتۋ، ەكسپورتتىق جانە يمپورتتىق مامىلەلەردى قولداۋ ءۇشىن اككرەديتيۆتەر مەن كەپىلدىكتەردى ازىرلەيدى.

"تمد-داعى قارجى توپتارى اراسىندا گەوگرافيالىق ورنالاسۋىنىڭ كەڭ اۋقىمىن ەسكەرە وتىرىپ، ءدال وسى ساۋدانى قارجىلاندىرۋدا تەك ەكىجاقتى ترانسشەكارالىق تولەمدەر عانا ەمەس، سونداي-اق حالىق توبىنىڭ قىزمەتى ۇسىنىلعان بارلىق ەلدەردىڭ دامي تۇسۋىندە ۇلكەن الەۋەت بار دەپ ەسەپتەيمىز"، – دەدى "تەڭگە بانك" اكب باسقارما ءتوراعاسى اسلان تالپاقوۆ.

بانك كەڭسەسى مەن بولىمشەسى جاقىن ارادا تاشكەنت قالاسى، ياشناباد اۋدانى، پاركەنتسكايا كوشەسى، 66 ءۇي، يندەكسى 100007 مەكەنجايى بويىنشا جۇمىس ىستەي باستايدى.

ۇسىنعان: مارجان سابەت