ق ر پرەزيدەنتى قاسىم-جومارت توقايەۆ قازاقستان رەسپۋبليكاسىنىڭ مەملەكەتتىك ناگرادالارىن بەرۋ تۋرالى جارلىقتى قابىلدادى دەپ جازادى Qamshy.kz اقپارات اگەنتتىگى اقورداعا  سىلتەمە جاساپ.

«ەۋرازيالىق ينتەگراسيا يدەياسىنىڭ 25 جىلدىعىنا جانە ەۋرازيالىق ەكونوميكالىق وداق تۋرالى شارتقا قول قويۋدىڭ 5 جىلدىعىنا وراي، سونداي-اق قازاقستان رەسپۋبليكاسىمەن ىنتىماقتاستىقتى تەرەڭدەتۋ مەن كەڭەيتۋگە قوسقان ايرىقشا ۇلەسى ءۇشىن «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ» وردەنىمەن تومەندەگى پرەزيدەنتتەر ناگرادتالسىن:

1.     پۋتين ۆلاديمير ۆلاديميروۆيچ - رەسەي فەدەراسياسىنىڭ پرەزيدەنتى

2.     لۋكاشەنكو الەكساندر گريگوريەۆيچ - بەلارۋس رەسپۋبليكاسىنىڭ پرەزيدەنتى

3.     جەەنبەكوۆ سوورونباي شاريپوۆيچ - قىرعىز رەسپۋبليكاسىنىڭ پرەزيدەنتى»، - دەپ جازىلعان قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى قاۋلىدا. 

ۇسىنعان: مارجان سابەت