قازاقستاننىڭ باس سانيتارى جانداربەك بەكشين قازاقستاندىقتاردى سارقىت جەۋدەن ساقتاندىردى. الايدا مۇنىمەن ەل تۇرعىندارى كەلىسپەي جاتىر دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.
ەلىمىزدىڭ باس سانيتار دارىگەرىنىڭ ايتۋىنشا، سارقىتتا سانيتارلىق تازالىق بولمايدى. سوندىقتان ودان ىشەك اۋرۋلارى تاراۋى مۇمكىن.
"قاراپايىم ەرەجەلەر ساقتالماعاندىقتان سارقىتتان كوپ اۋرۋ جۇعادى. ىشەك اۋرۋلارى جۇعۋى مۇمكىن"، - دەدى جانداربەك بەكشين.
الايدا سارقىت الىپ ۇيرەنگەن قازاق بۇعان كەلىسپەيدى. ەتنوگراف گۇلىم قابدولدينا دارىگەردىڭ سوزىنە قارسى شىقتى.
"سارقىت الۋ قازاقتىڭ ءداستۇرى. قازاقتىڭ داستۇرىندە ەشقاشان كەمشىلىك بولماعان. ونىڭ اربىرىندە كورەگەندىك جاتىر. سارقىتتى جۇرت بالا-شاعاسى اۋىز تيۋ ءۇشىن الادى. مەرەكەلىك تازا داستارحاننان سالىپ بەرەدى. سوندىقتان ودان باس تارتۋ دۇرىس ەمەس"، - دەيدى ەتنوگراف.
قالا تۇرعىندارى دا ەتنوگرافتىڭ ءسوزىن قوستاپ، باس سانيتاردىڭ سوزىنە قارسىلىق ءبىلدىردى. وسىلايشا باس سانيتاردىڭ ءسوزى ەل اراسىندا تۇسىنبەستىك تۋدىردى.
اۋدارعان: يلدار اديلچەنوۆ
