بەلگىلى قازاقستاندىق ءانشى ديماش قۇدايبەرگەنوۆ قازاقى سالتتى ۇستانىپ، وزىندەي ءانشى بولسىن دەگەن تىلەكپەن 6 جاستاعى اقتوبەلىك قىزدىڭ اۋىزىنا تۇكىردى دەپ جازادى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
ديماشتىڭ تالانتتى كىشكەنتاي قىز ۆەنەرا الپىسبايەۆانىڭ اۋىزىنا تۇكىرگەن ۆيدەوسى الەۋمەتتىك جەلىدە كەڭىنەن تارالىپ جاتىر. ءبىرى مۇنى ەسكىلىككە بالاسا، ەكىنشى لەگى كىشكەنتاي قىزعا ساتتىلىك تىلەۋدە.
"قازاق حالقىندا "اۋىزىنا تۇكىرۋ" دەپ اتالاتىن ەرەكشە عۇرىپ بار. ەلگە سىيلى، جۇرتقا بەلگىلى قۇرمەتتى ازاماتتارعا بالاسىنىڭ اۋىزىنا تۇكىرىپ، وعان دا جۇعىستى بولسىن دەگەن نيەتپەن جاسايدى. ءقازىر بۇل سالت قايتا جاڭعىرىپ، حالىقتىڭ كوپشىلىگى جەتەكتەگەن بالاسىمەن بىرگە اتاقتىلاردىڭ الدىندا كەزەككە تۇراتىن بولعان"، - دەپ تۇسىنىك بەردى ۆيدەو اۆتورلارى.
اۋدارعان: ادىلەت مادەنيەت
