قىزىلوردادا قالىڭدىعىن الىپ قاشپاق بولعان جىگىت پەن ونىڭ سىبايلاستارىنا قاتىستى سوت ۇكىمى شىقتى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

اتالعان وقيعا 2018 جىلى شىلدەدە ورىن العان. سوتتالعانداردىڭ ءبىرى ەكى اۋىلداسىمەن كەزدەسىپ، ولارعا ۇيلەنگىسى كەلەتىنىن جانە بۇرىن كەزدەسكەن بويجەتكەندى الىپ قاشۋ تۋرالى ويىن ايتادى. ءسوز بايلاسقان ۇشەۋ قىزىلورداعا كەلگەن.

بولاشاق كۇيەۋ جىگىت بويجەتكەن تۇراتىن ءۇيدى اڭدي باستاعان. تاڭەرتەڭ قىزدىڭ جۇمىسقا جاياۋ كەتىپ بارا جاتقانىن كورگەن جىگىت وعان جەتكىزىپ سالۋدى ۇسىنادى، ءبىراق بويجەتكەن كەلىسپەگەن.

–سودان سوڭ ول قىزدى زورلىقپەن كولىككە وتىرعىزىپ، ولار اۋداننان شىعا باستايدى. الايدا، جىلدامدىقتى اسىرعانى ءۇشىن كولىكتى پوليسيا قىزمەتكەرلەرى توقتاتقان. ءدال سول ساتتە بويجەتكەن پوليسيا قىزمەتكەرلەرىنەن كومەك سۇراعان. ارتىنشا جىگىتتەر قىزدى زورلىقپەن الىپ قاشقاندارى ءۇشىن اۋداندىق پوليسيا بولىمشەسىنە جەتكىزىلەدى. اتالعان قىلمىستىق ءىس قىزىلوردانىڭ №2 سوتىندا قارالدى. جىگىتتەر ق ر قك 125 بابىنىڭ 2 (ادام ۇرلاۋ) بولىگىنە سايكەس جاۋاپقا تارتىلدى. ۇشەۋىنە دە اتالعان باپقا سايكەس 7 جىلعا شارتتى تۇردە باس بوستاندىقتارىنان ايىرۋ جازاسىنا كەسىلدى، - دەپ حابارلادى سوت وكىلدەرى.

ۇسىنعان: داۋرەن سىبانباي