نۇر-سۇلتان ۋاقىتىمەن 9 ماۋسىمدا وتەتىن گەنناديي گولوۆكين مەن ستيۆ روللس اراسىنداعى جەكپە-جەك استاناداعى بارلىق سايلاۋ ۋچاسكەلەرىندە كورسەتىلەدى. بۇل تۋرالى نۇر-سۇلتان اكىمىنىڭ ورىنباسارى ەرلان كاناليموۆ ايتتى، دەپ حابارلايدى Qamshy.kz اقپارات اگەنتتىگى BNews.kz تىلشىسىنە سىلتەمە جاساپ.
“ءبارىمىز كوپتەن كۇتىپ جۇرگەن گەنناديي گولوۆكيننىڭ جەكپە-جەگى تاڭعى 7:00-دەن باستاپ 10:00-گە دەيىن وتەتىنىن ەسكەرىپ، ءبىز بارلىق ۋچاسكەلەردە داۋىس بەرۋ زالىنان بولەك بولمەلەر ۇيىمداستىرىپ، وندا ازاماتتار ءۇشىن جەكپە-جەكتىڭ تىكەلەي ەفيرىن ۇيىمداستىرامىز”، - دەدى ەرلان كاناليموۆ.
ول نۇر-سۇلتان اكىمىنىڭ شەشىمىمەن 9 ماۋسىم كۇنى قالادا قوعامدىق كولىكتەردە جول ءجۇرۋ تەگىن بولاتىنىن دا ەسكە سالدى.
اۋدارعان: يلدار اديلچەنوۆ
