سەناتور ءالي بەكتايەۆ نۇرسۇلتان نازاربايەۆتىڭ قۇرمەتتى سەناتور رەتىندە قانداي باسىمدىلىققا يە بولعانى جايلى ايتىپ بەردى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"مىندەتتەرى مەن جەڭىلدىكتەرى قاراستىرىلماعان. بۇل قوعامدىق مارتەبەسى بار اتاق. بۇل تۇڭعىش پرەزيدنتتىڭ سەنات قابىرعاسىنا سىڭىرگەن ەرەن ەڭبەگى. مەنىڭ كوزقاراسىمشا، بۇل جاعداي سەناتتىڭ دارەجەسىن، دەپۋتاتتاردىڭ جاۋاپكەرشىلىگىن ارتتىراتىن سەكىلدى. سەبەبى قۇرمەتتى سەناتور ەلباسى كەز-كەلگەن ۋاقىتتا وتىرىستارعا، قالاعان كەلىسىمشارتتارعا ءوز ويىن ايتىپ، قاتىسا الادى. بۇل ءوزارا ءتيىمدى بولماق"،- دەيدى بەكتايەۆ مىرزا.

دەپۋتاتتاردىڭ سوزىنە سەنسەك، نۇرسۇلتان نازاربايەۆ سەناتتىڭ داۋىس بەرۋ جوباسىنا قاتىسا المايدى.

"داۋىس بەرۋ قۇقىعى بەرىلمەگەن، تەك ءوز ويىن اشىق جەتكىزىپ، قاتىسۋعا رۇقسات ەتىلگەن. بۇل قوعامدىق باستامانىڭ ءىسى بولعاندىقتان، جالاقى تولەنبەيدى"،- دەپ قوسا كەتتى ءالي بەكتايەۆ.

نۇرسۇلتان نازاربايەۆقا قۇرمەتتى سەناتور اتاعى تاعايىندالدى. بۇل ۇسىنىستى قاسىم-جومارت توقايەۆ ۇلىقتاۋ ءراسىمى كەزىندە ەنگىزدى. 29-مامىر كۇنى نۇرسۇلتان نازاربايەۆ جوعارى ەۋرازيالىق ەكونوميكالىق كەڭەستىڭ قۇرمەتتى ءتوراعاسى اتاندى. ۇسىنىستى رەسەي پرەزيدەنتى ۆلاديمير پۋتين ورتاعا تاستاپ، قالعان جەتەكشى ەلدەر قولداۋ كورسەتتى.

♦نۇرسۇلتان نازاربايەۆ: "ۆلاديمير پۋتينعا ريزاشىلىعىمدى بىلدىرەمىن!"

اۋدارعان: بەك بايتاس