بىر-ەكى كۇن كولەمىندە الەۋمەتتىك جەلىلەر ارقىلى كۇرشىم اۋدانىندا قىتايلارعا جەر ساتىلعالى جاتقاندىعى تۋرالى اقپارات تاراعان. وسى اقپاراتقا قاتىستى كۇرشىم اۋدانىنىڭ اكىمى مالىمدەمە جاسادى دەپ حابارلايدى Qamshy.kz اقپارات اگەنتتىگى.

"جەر ساتىلعاندىعى تۋرالى جالعان اقپارات تاراپ جاتىر. بۇل اقپاراتتىڭ ەش نەگىزسىز ەكەنىن مالىمدەيمىن. ق ر "جەر تۋرالى" زاڭىنا سايكەس، شەتەل ازاماتتارىنا جەر بەرىلمەيدى، ساتىلمايدى. جەر تەك قازاقستاندىق ازاماتتار مەن شەتەلدە ۇلەسى جوق قازاقستاندىق زاڭدى تۇلعالارعا بەرىلەدى"، - دەيدى كۇرشىم اۋدانىنىڭ اكىمى دۋلات قاجانوۆ.

ونىڭ ايتۋىنشا، قازىرگى ۋاقىتتا كۇرشىم اۋدانىنىڭ اۋماعىندا قازاق ەگىنشىلەرى، قازاق شارۋالارى ءوز كاسىپتەرىن دوڭگەلەتىپ وتىر. قازاقتاردان وزگە جەرى بار شەتەلدىكتەر اۋدان كولەمىندە جوق ەكەن-مىس. 

دايىنداعان: ادىلەت مادەنيەت