ق ر ۇلتتىق ەكونوميكا مينيستر رۋسلان دالەنوۆ كاسىپكەرلىكتى دامىتۋ دەپارتامەنتىنىڭ ەكس-ديرەكتورى اسلانبەك جاقىپوۆقا قاتىستى سوت شەشىمى كۇشىنە ەنە سالىسىمەن وتستاۆكاعا كەتەتىنىن مالىمدەدى دەپ حابارلايدى Qamshy.kz اقپارات اگەنتتىگى bnews.kz سايتىنىنىڭ اقپاراتىن نەگىزگە الا وتىرىپ.
"سوت شەشىمى زاڭدى كۇشىنە ەنگەننەن كەيىن، ءوز ەركىممەن قىزمەتتەن كەتەمىن"، - دەدى مينيستر.
جۋرناليستەر جابىلا قويعان سۇراقتارىنا جاۋاپ بەرگەن مينيستر بۇل ءبىرىنشى كوشباسشىنىڭ مورالدىق مىندەتتەمەسى ەكەنىن قاداپ ايتتى.
ەسكە سالايىق، 29 مامىردا ەسىل اۋداندىق سوتى قازاقستان رەسپۋبليكاسى ۇلتتىق ەكونوميكا مينيسترلىگىنىڭ كاسىپكەرلىكتى دامىتۋ دەپارتامەنتىنىڭ ديرەكتورى اسلانبەك جاقىپوۆقا قاتىستى شەشىم شىعاردى. ول 3 جىلعا باس بوستاندىعىنان ايىرىلدى.
2019 جىلدىڭ ءساۋىر ايىندا ەكونوميكا مينيسترلىگىنىڭ كاسىپكەرلىكتى دامىتۋ دەپارتامەنتىنىڭ ەكس-ديرەكتورى اسلانبەك جاقىپوۆ 500 مىڭ تەڭگە اقشالاي سىياقى الىپ جاتقان قىلمىس ۇستىندە تۇتقىندالعان ەدى.
اۋدارعان: داۋرەن سىبانباي
