قازاقستاننىڭ بۇرىنعى پرەزيدەنتى نۇرسۇلتان نازاربايەۆ وزىنە بەرىلگەن "قۇرمەتتى ءتوراعا" اتاعىنا بايلانىستى پىكىر ءبىلدىردى دەپ جازادى Qamshy.kz اقپارات اگەنتتىگى.
"ماعان جوعارى ەۋرازيالىق ەكونوميكالىق كەڭەستىڭ قۇرمەتتى ءتوراعاسى اتاعىن بەرۋ تۋرالى باستاما ءۇشىن ەرەكشە العىسىمدى ايتامىن. وسى يدەيانى ۇسىنعان ۆلاديمير پۋتينگە جانە وتىرىسقا جينالعاندارعا وسى باستامانى قولداعانى ءۇشىن ريزاشىلىعىمدى بىلدىرەمىن. تمد مەن ەۋرازيالىق وداقتا جيناعان تاجىريبەمدى ەسكەرە وتىرىپ، كۇش-قۋاتىم مەن مۇمكىندىگىمە قاراي سىزدەرگە، اسىرەسە ءبىزدىڭ ەۋرازيالىق ەكونوميكالىق وداققا پايدامدى تيگىزۋگە تىرىسامىن"، - دەدى نازاربايەۆ جوعارى ەۋرازيالىق ەكونوميكالىق كەڭەستىڭ مەرەتويلىق سامميتىندە.
ايتا كەتەيىك، 29 مامىردا قازاقستان استاناسى نۇر-سۇلتان قالاسىندا جوعارى ەۋرازيا ەكونوميكالىق كەڭەسىنىڭ جيىنىندا قازاقستاننىڭ العاشقى پرەزيدەنتى نۇرسۇلتان نازاربايەۆقا كەڭەستىڭ "قۇرمەتتى ءتوراعاسى" اتاعى بەرىلگەن بولاتىن.
وقي وتىرىڭىز:
♦ءالي بەكتايەۆ: نۇرسۇلتان نازاربايەۆ جالاقى المايدى
ۇسىنعان: ميات كاشىباي
