قاراعاندى وبلىسى جاڭاارقا اۋدانى اتاسۋ اۋىلىندا 28-مامىردىڭ كۇنى قوعام بەلسەندىسى عالى باقتىبايەۆتى ءولتىرىپ كەتتى دەپ حابارلايدى Qamshy.kz اقپارات اگەنتتىگى NV.KZ پورتالىنا سىلتەمە جاساپ.

عالىنىڭ قارىنداسى زاۋرە باقتىبايەۆانىڭ ايتۋىنشا، اعاسىنا قارسى قوقان-لوقى كوپ بولدى. وتكەن جىلى بەلگىسىزدەر ونىڭ ءۇيىنىڭ تەرەزەسىن سىندىرىپ، كولىگىن ورتەپ كەتكەن. كەيىن قوڭىراۋ شالىپ ىرىلىك كورسەتەتىن.

جەرگىلىكتى تۇرعىنداردىڭ ايتۋىنشا، عالى باقتىبايەۆ قوعامدىق جۇمىستارمەن اينالىسىپ، حالىقتى تولعاندىرعان ماسەلەلەردى كوتەرىپ كەلگەن.

بەلسەندى ايتقوجا فازىلوۆتىڭ ايتقان سوزىنە سەنسەك، وعان دەيىندە ونىڭ ومىرىنە قاستاندىق جاسالدى. بۇل اقپان ايىندا بولعان. تۇندە باقتىبايەۆتىڭ ۇيىنە ماسكا كيگەن بەلگىسىزدەر كەلىپ، ونى سوققىعا جىققان.

اتالعان فاكتىگە بايلانىستى قىلمىستىق كودەكستىڭ 99-بابى 1-تارماعى "ادام ءولتىرۋ" ايىبىمەن قىلمىستىق ءىس قوزعالدى. قىلمىستى اشۋ، كۇدىكتى ازاماتتاردى ۇستاۋ ماقساتىندا دەپارتامەنتتىڭ جانە جاڭاارقا اۋداندىق پوليسيا ءبولىمىنىڭ تاجىريبەلى قىزمەتكەرلەرىنەن جەدەل تەرگەۋ توبى جاساقتالىپ، قىلمىستىڭ ءىزىن كەسۋ بويىنشا كەشەندى ءىس-شارالار اتقارىلۋدا. تەرگەۋ بارىسى وبلىستىق پوليسيا جانە پروكۋراتۋرا باسشىلىعىنىڭ باقىلاۋىندا. وزگە اقپاراتتار ق ر قپك-نىڭ 201 بابىنا سايكەس جاريالانبايدى.

بەلسەندىنىڭ ارتىندا 5 بالاسى قالدى.

اۋدارعان: يلدار اديلچەنوۆ