نۇر-سۇلتان قالاسىنىڭ كريمينالدى پوليسيا قىزمەتكەرلەرى بانكوماتتى توناماق بولعان ۇرىلاردى ۇستادى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

ەلوردانىڭ ەكى جانە اقمولا وبلىسىنىڭ تۇرعىنى قالا ەمحانالارىنىڭ بىرىندە تۇرعان بانكوماتتاعى اقشانى ۇرلاماق بولعان. ولار كەشقۇرىم مەكەمەگە كىرىپ، كۇزەتشىنى ەسىنەن تاندىرعان، ارتىنشا بانكوماتتى بولگاركامەن كەسپەككە بەل بۋادى. قاسكويلەر ويلاعانىن جۇزەگە اسىرا الماي ءىزىن سۋىتقان.

جەدەل-ىزدەستىرۋ شارالارىنىڭ بارىسىندا پوليسيا قىزمەتكەرلەرى بەينەباقىلاۋ كامەراسىنىڭ كومەگىمەن كۇدىكتىلەردى ۇستاعان. ولار 38، 34 جانە 29 جاستاعى ەر ادامدار بولىپ شىقتى. تەرگەۋ بارىسىندا كۇدىكتىلەردىڭ بۇعان دەيىن دۇكەندەردىڭ بىرىنەن تولەم تەرمينالىن ۇرلاپ كەتكەندىكتەرى بەلگىلى بولدى.

اتالعان وقىس وقيعاعا قاتىستى سوتالدى تەرگەۋ ءىسى ءجۇرىپ جاتىر. كۇدىكتىلەر ۋاقىتشا ۇستاۋ يزولياتورىنا قاماۋعا الىندى. ولاردىڭ ەلوردا اۋماعىندا جاسالعان وسى سياقتى باسقا دا قىلمىستارعا قاتىستارىنىڭ بار - جوعى تەكسەرىلىپ جاتىر.

ۇسىنعان: داۋرەن سىبانباي