ەلباسىنىڭ  «بەس الەۋمەتتىك باستاماسى» بولاشاققا جاسالعان باعدار ەكەنى داۋسىز. اسىرەسە،  «ەلدى گازبەن قامتاماسىز ەتۋدى جالعاستىرۋ» باعىتى  تۇرعىنداردى  گازبەن قامتاماسىز ەتۋمەن قاتار، شاعىن جانە ورتا بيزنەستىڭ جاڭا وندىرىستەرىن اشۋعا ءوز ىقپالىن تيگىزۋدە.  

 «ەلىمىزدە گاز ءوندىرۋ تاۋەلسىزدىك كەزەڭىندە جىلىنا 8-دەن 52 ميلليارد تەكشەمەترگە دەيىن ارتتى، ءارى قاراي دا وسە تۇسەدى.  ءقازىر ەلىمىزدەگى تۇرعىنداردىڭ 50 پروسەنتكە جۋىعى گازبەن قامتاماسىز ەتىلگەن.  9 وبلىسقا گاز تارتىلعان. دەگەنمەن، ورتالىق جانە سولتۇستىك وڭىرلەر ءالى دە گازسىز وتىر. بۇل جوبانى جۇزەگە اسىرۋ ءارى قاراي وزگە وڭىرلەردى دە گازبەن قامتاماسىز ەتۋگە مۇمكىندىك بەرەدى» - دەپ ۇلت كوشباسشىسى ناقتى ۇستانىمىن ايقىنداعان-دى.
        گاز سالاسىن دامىتۋ باعىتىندا جامبىل وبلىسىندا 377 ەلدى مەكەن بار. ونىڭ ىشىندە قازىرگى تاڭدا گازداندىرىلعانى 181، نەمەسە 48 پايىزى. 2019-2027 جىلدارى 196 ەلدى مەكەندى گازداندىرۋ جوسپارلانۋدا، ناتيجەسىندە 377 ەلدى مەكەن گازداندىرىلىپ، ۇلەسى 100 پايىزعا جەتكىزىلمەك.

     2008 جىلى وبلىس بويىنشا 48 ەلدى مەكەن تاۋارلىق گاز تۇتىنعان بولسا، 2019 جىلدىڭ 1 قاڭتارىندا 181-دى قۇرادى. دەمەك، سوڭعى 10 جىل ىشىندە 133 ەلدى مەكەن گازداندىرىلعان.

     گازداندىرىلماعان 196 ەلدى مەكەن ماسەلەسىن شەشۋ ماقساتىندا، 2019 جىلدان باستاپ، ءۇش جىلدا ءبولىپ قارجىلاندىرۋ ءۇشىن، ەنەرگەتيكا مينيسترلىگىنە ەلدى مەكەندەرگە گاز كەلتىرەتىن 11 جوبا دايىندالىپ، بيۋدجەتتىك ءوتىنىم بەرىلگەن.

      قۇرىلىس جۇمىسىن 2019 جىلى باستاۋ ءۇشىن وبلىستىق بيۋدجەتتەن بايزاق اۋدانىنا (21 ە.م. حالىق سانى – 17 241 ادام)، رەسپۋبليكالىق بيۋدجەتتەن شۋ اۋدانىنا (18 ە.م. حالىق سانى – 22 130 ادام)، جامبىل اۋدانىنا (13 ە.م. حالىق سانى – 12 631)، جۋالى اۋدانىنا (15 ە.م. حالىق سانى – 9 457 ادام)، سارىسۋ اۋدانىنا (14 ە.م. – 39 539 ادام)، ونىڭ ىشىندە جاڭاتاس قالاسىنا قارجى ءبولىنىپ، قۇرىلىس جۇمىستارى باستالدى.  بۇل جۇمىستاردى 2021 جىلعا دەيىن اياقتاۋ كوزدەلۋدە.

     رەمي مالىمەت بويىنشا، 2019 جىلى 9 ەلدى مەكەن گازداندىرىلماق. ونىڭ ىشىندە سارىسۋ اۋدانىنىڭ 4 ەلدى مەكەنىندە گاز تاراتاتىن قۇبىر قۇرىلىسى اياقتالعان (ءابىلدا، توعىزكەنت، مايلىكول، دوسبول). سونىمەن قاتار وبلىستىق بيۋدجەتتەن بولىنگەن قارجىعا تالاس اۋدانىنىڭ 5 ەلدى مەكەنىنە اۋىل ىشىندە گاز تاراتاتىن قۇبىر قۇرىلىسىن جۇرگىزىپ (بولتىرىك شەشەن، كوشەك باتىر، ءۇشارال، ارال، قايىر)، گازداندىرۋ ءجۇمىستارىن جىل سوڭىنا دەيىن اياقتاۋ جوسپارلانىپ وتىر (حالىق سانى 6 035 ادام).

   ياعني، اليەاتالىقتاردىڭ كوگىلدىر وتىنعا قول جەتكىزىپ، راحاتىن كورەتىن كۇنى الىس ەمەس.

جايدار ازامات