اتىراۋ قالاسىنداعى مەديسينالىق كوللەدجدىڭ مۇعالىمدەرىنە بىلىكتىلىكتى ارتتىرۋ كۋرسىن جۇرگىزۋ ءۇشىن فينليانديادان كەلگەن قوس مەدبيكە - حاننەەل تيتتانەن مەن ماريو پالوۆارانىڭ جالاقىسى قازاقستاندىق ءجۋرناليستى تاڭ-تاماشا ەتتى دەپ جازادى Qamshy.kz اقپارات اگەنتتىگى "اق جايىق" سايتىنا سىلتەمە جاساپ.

قازاقستاندىق جۋرناليستەردىڭ ءبىرى شەتەلدىك مەدبيكەلەرمەن سۇحبات بارىسىندا ولاردىڭ تابىسى تۋرالى ساۋال قويعان. العان جاۋابىنا قاراساق، شەتەلدىك مەديسينا قىزمەتكەرلەرىنىڭ ايلىق تابىسى قازاقستانداعى جالاقىدان 15 ەسەگە جوعارى ەكەن.

"فينليانديادا مەدبيكە قىزمەتى دارىگەردەن كەم تۇسپەيدى. ولار ناۋقاستى قابىلداعاننان باستاپ، دارى-دارمەك ۇسىنعانعا دەيىنگى قىزمەتتەردى اتقارا بەرەدى. مەنىڭ ويىمشا، مەدبيكەنىڭ دارىگەر كومەكشىسى عانا بولىپ قالعانى دۇرىس ەمەس"، - دەيدى شەتەلدىك قوناقتار.

ال فينلياندياداعى مەدبيكەلەر جالاقىسى تۋرالى ساۋالعا حاننەەل تيتتانەن جاۋاپ بەردى.

"ورتاشا ايلىق تابىس كولەمى – 3000 ەۋرو. جۇمىس ءوتىلىڭ كوپ بولسا، 5000 ەۋروعا دەيىن تاباسىڭ. ءبىراق ءبىز مەدبيكەلەرگە بۇدان دا كوپ جالاقى تولەگەنىن قالايمىز"، - دەيدى ول جاۋابىندا.

ءوز كەزەگىندە قازاقستانداعى جالاقى تۋرالى سۇراعان شەتەلدىك مەدبيكە 200 ەۋرو كولەمىندەگى ايلىق تابىس كولەمىن ەستىگەندە، ايتارلىقتاي تاڭ قالعان.

اۋدارعان: ادىلەت مادەنيەت