كەزەكتەن تىس پرەزيدەنت سايلاۋىنا تىركەلگەن كانديداتتاردىڭ ءبىرى ءامىرجان قوسانوۆ حالىقپەن كەزەكتى كەزدەسۋىندە بويكوت جاريالاۋشىلارعا ءوتىنىش ءبىلدىردى دەپ حابارلايدى Qamshy.kz اقپارات اگەنتتىگى.

ۇمىتكەردىڭ ايتۋىنشا، بويكوت جاريالاعان قاۋىم قوسانوۆقا قيانات جاسايدى-مىس. وسىلاي دەگەن ۇمىتكەر ءار داۋىستىڭ ماڭىزدى ءارى ساناۋلى ەكەنىن جەتكىزدى.

"ءبىز 9-ماۋسىم كۇنى بىرىگۋىمىز كەرەك. ويتكەنى، بۇل سايلاۋعا نازاربايەۆ تۇسپەيدى. ءبىز ءقازىر بىرىكپەسەك، وندا مۇلدە بىرىگە المايمىز"، - دەدى قوسانوۆ.

سونداي-اق، كانديدات وزىنە قارسى پىكىر ايتىپ، بويكوتتى ناسيحاتتاپ جۇرگەندەرگە ەرەكشە توقتالىپ، ءوتىنىشىن ءبىلدىردى.

"ازاماتتار، مۇمكىن مەنى ۇناتپايتىن شىعارسىزدار، كەرەك دەسەڭىزدەر، مەنى كورە المايتىن شىعارسىزدار. ءبىراق مەنىڭ داۋىسىمدى تارتىپ الماڭدار. ولاي ماعان وبال جاساماڭدار"، - دەپ قاداپ ايتتى قوسانوۆ.

ۇسىنعان: ادىلەت مادەنيەت