2020 جىلى توكيودا وتەتىن وليمپيادا جانە پاراليمپيادا ويىندارىنىڭ قارساڭىندا جاپونيانىڭ تيبا قالاسىندا ەرەكشە جىلجىمالى مەشىت جاسالىندى. كولىك ۇستىندەگى ءمىناجات ورىنىندا 50-دەن استام ادام ءبىر ۋاقىتتا ناماز وقي الادى دەپ جازادى Qamshy.kz اقپارات اگەنتتىگى.
جىلجىمالى مەشىت جولدا ءجۇرىپ بارا جاتقاندا قاراپايىم عانا جۇك كولىگى سياقتى كورىنەدى. ۇزىندىعى 12 مەتر، ەنى 2،5 مەتر. دەگەنمەن، كولىك توقتاعان كەزدە قاتپارلى تىركەمە جايىلىپ، جالپى كولەمى 48 شارشى مەترلى مەشىت پايدا بولادى.
"مەن بۋددا ءدىنىن ۇستانامىن. دەگەنمەن، وزگە دىندەگى ادامداردىڭ قولايلى ءارى وڭاي قۇلشىلىق جاساعانىن قالادىم"، - دەيدى كولىك ۇستىندەگى مەشىتتى جاساۋ ءىسى بويىنشا قۇرىلعان كوميتەتتىڭ ءتوراعاسى ياسۋحارۋ ينوە.
جىلجىمالى مەشىتتىڭ جاسالۋىنداعى باستى ماقسات – ەلگە كەلگەن قوناقتارعا قولايلى جاعداي جاساۋ مەن ەرەكشەلىكتى كورسەتۋ. كولىكتەگى قۇلشىلىق بولمەسىندە دارەت الاتىن سۋ مەن جەلدەتكىش قاراستىرىلعان.
دايىنداعان: ادىلەت مادەنيەت
پىكىر قالدىرۋ