شەكاراشى سۋعا باتىپ بارا جاتقان جۇكتى ايەل مەن ونىڭ 5 جاسار بالاسىن قۇتقارىپ قالدى دەپ حابارلايدى Qamshy.kz اقپارات اگەنتتىگى ktk.kz سايتىنا سىلتەمە جاساپ.

بۇل تۋرالى ق ر ۇقك شق باسپا ءسوز قىزمەتى حابارلادى دەلىنگەن.

پەتروپاۆل شەكارا جاساعىنا قاراستى «بيدايىق» وتكىزۋ بولىمشەسىنىڭ اسكەري قىزمەتشىسى گايداي سەرگەي كەزەكشىلىكتەن كەيىن بيدايىق اۋىلىنداعى كول جاعاسىنا تىنىعۋعا بارعان. كولگە جاقىنداعاندا كوپىردىڭ ۇستىندە سۋدىڭ بەتىنە شوشىنا قاراپ ەرسىلى-قارسىلى جۇگىرىپ ايقايلاپ جۇرگەن ەكى كىشكەنتاي قىز بالانى بايقايدى. سول ساتتە كوپىر استىندا ايەل ادامنىڭ سۋدان ءبىر باتىپ، ءبىر شىعىپ جانتالاسىپ جاتقانىن كورەدى. 

«سەرگەي سۋ استىنا سۇڭگىپ، كولدىڭ تابانىن قولىمەن سيپالاپ ءجۇرىپ بالانى تابادى دا، كيىمىنەن تارتىپ، سۋ بەتىنە الىپ شىعادى. انا مەن بالانى جاعاعا جەتكىزگەن سەرگەي ەس-تۇسسىز جاتقان 5 جاسار نۇرادىلگە العاشقى مەديسينالىق كومەك كورسەتتى. سودان كەيىن عانا بالا ەسىن جيدى»، - دەلىنگەن حابارلامادا.

كەيىن بەلگىلى بولعانداي، ول ەكى ادامنىڭ ەمەس، ءۇش ادامنىڭ ءومىرىن قۇتقارىپتى. قۇتقارىلعان ايەل، جەتپىسوۆا ماحاببات جۇكتى ەكەن. سەرگەي انا مەن بالانى اۆتوكولىگىنە وتىرعىزىپ، مەديسينالىق بەكەتكە الىپ بارعان.

ۇسىنعان: ماقپال سەمباي