قىزىقتى ءارى قورقىنىشتى كەيىپكەر "الماتى – بىشكەك" تاس جولىنداعى كولىك جۇرگىزۋشىلەرىنىڭ زارەسىن الدى دەپ حابارلايدى Qamshy.kz اقپارات اگەنتتىگى.

ۇيىمداستىرۋشىلار جول-پاترۋلدىك پوليسيا قىزمەتكەرلەرىمەن بىرىگىپ، "الماتى – بىشكەك" تاس جولى بويىنداعى جول بەلگىلەرىنىڭ ماكەتىنە اينالىپ تۇرا قالعان. وسىلايشا، ەرىكتىلەر جۇرگىزۋشىلەردى بەلگىلەنگەن جىلدامدىق رەجيمىن بۇزباۋعا شاقىردى.

"قازاۆتوجول" ۇك" اق وكىلدەرنىڭ ايتۋىنشا، شارانىڭ باستى ماقساتى – جول قوزعالىسىنىڭ قاتىسۋشىلارىنا جول بويىنداعى ءولىم-جىتىمنىڭ، جول-كولىك وقيعالارىنىڭ جيىلەپ كەتكەنىن ءتۇسىندىرۋ جانە جۇرگىزۋشى مادەنيەتىن ارتتىرۋ. ءاربىر جۇرگىزۋشى ءوزىنىڭ سالعىرتتىعى مەن جول ەرەجەلەرىن ساقتاماۋى جولداعى تراگەديالىق جاعدايلارعا الىپ كەلۋى مۇمكىن ەكەنىن ءبىلۋى قاجەت.

شاراعا قاتىسۋشىلاردىڭ بارلىعىنا جول ەرەجەلەرى جازىلعان بۋكلەتتەر تاراتىلىپ، كولىك تىزگىنىندە كەلە جاتقاندا بارىنشا اباي بولۋعا شاقىرىلدى.

اتالمىش فلەش-موب  جول قوزعالىسىنىڭ قاۋىپسىزدىگىن ناسيحاتتاۋعا ارنالعان جىل سايىنعا ءداستۇرلى ناۋقانعا اينالىپ كەلەدى.

ستاتيستيكانى سويلەتسەك، 2018 جىلى عانا "الماتى – بىشكەك" تاس جولىندا ورىن العان 171 جول-كولىك وقيعاسىنىڭ سالدارىنىنان 49 ادام كوز جۇمىپ، 280 ادام زارداپ شەككەن ەكەن.

وسى ورايدا، Qamshy.kz اقپارات اگەنتتىگى سىزدەردى جولدا جۇرگەندە بارىنشا اباي بولۋعا، جىلدامدىق رەجيمىن ساقتاپ، ءوز قاۋىپسىزدىگىڭىزدى قامتاماسىز ەتۋگە شاقىرادى. "اتقا ءمىندىڭ – اجالعا ءمىندىڭ" دەگەن اتالار ءسوزىن جادىڭىزدان شىعارماساڭىز ەكەن.

دايىنداعان: داۋرەن سىبانباي