الەۋمەتتىك جەلىدە بەلگىلى ايتىسكەر اقىن رينات زايتوۆتىڭ قاتىسۋىمەن وتكەن جيىننان تۇسىرىلگەن اۋەسقوي بەينەماتەريال تاراپ كەتتى. بۇل جيىندا حالىق ورتاسىندا سويلەگەن اقىن بويكوت جاريالاۋشىلارعا باتىرا ايتتى دەپ جازادى Qamshy.kz اقپارات اگەنتتىگى.

ۋ-شۋعا ۇلاسقان كوپشىلىكتى سابىرعا شاقىرعان اقىن ءبىر مامىلەگە كەلە الماعان قوس تاراپقا تارقاساتىن تۇستى ايتتى. ونىڭ ايتۋىنشا، اقىننىڭ قوسانوۆتى قولداپ تۇرعانى شامالى.

"قوسانوۆ بولا ما، باسقا بولا ما، ماعان ءبارىبىر. مەنىڭ تەك ءبىر عانا قارسىلاسىم بار. ول – بيلىكتەگى پارتيا. وعان قارسى تۇرعان كەز-كەلگەن توپ – مەنىڭ جولداسىم. بويكوت جاريالاساڭىزدار، ءوز ەرىكتەرىڭىز. سىزدەردىڭ دە، ءبىزدىڭ دە شەشىم دۇرىس بولسىن. وسىمەن تارقايىق"، - دەدى زايتوۆ.

سوزگە توقتاماعان كوپشىلىكتىڭ شۋىنا ىزاسى كەلگەن زايىتوۆ ەلدىڭ اۋىزبىرشىلىگىنىڭ ماڭىزدىلىعىن اتاپ ءوتتى.

"قۇرىلتاي – ىنتاماقتاستىققا، اۋىزبىرشىلىككە كەلەتىن جەر. ىردۋ-دىردۋ بولمايىق"، - دەپ ءتۇيدى ءسوزىن ول.

قۇرىلتايدا توقتار اۋباكىروۆ حالىقتى سايلاۋعا شاقىرماق بولىپ، ءسوز سويلەدى.

وقي وتىرىڭىز:

♦حالىق اۋباكىروۆكە قارسى شىقتى (ۆيدەو)

دايىنداعان: ادىلەت مادەنيەت